E fundit!

15:16 Aktualitet

Komunikimi me Ramën dhe kërcënimi nga Bajrat/ Koçeku flet për largimin nga Grupi i PS-së

Deputetja Marjana Koçeku ka folur ditën e sotme lidhur me ...

Zgjedhjet vendore/ Përçarësit prezantojnë kandidatin për Lezhën

14 Shkurt 2023, 13:11, Politikë CNA

Zgjedhjet vendore/ Përçarësit prezantojnë kandidatin

Sandër Marku do të jetë kandidat i grupimit të Alibeajt për Bashkinë e Lezhës, në zgjedhjet e 14 majit.

Njoftimi është bërë në rrjete sociale, nga faqja e PD-së, që mbahet nga grupi i përçarësve.

Kujtojmë se nga Primaret për Bashkinë Lezhë do të garojë Pashk Gjoni.

Profil

Sandër Marku është i martuar, me dy fëmijë. Ka shërbyer si mjek në ambulancat Talë, Grykë Lumi, Rrile dhe përgjegjës në Qendrën Shëndetësore Shënkoll.

Në 2003 deri më sot, punon pranë Drejtorisë Rajonale të Shëndetit Puplik – Lezhë, si mjek specialist Bakteriolog.

Gjatë kësaj periudhe ka pasur, pozicione dhe përgjegjësi të ndryshme.

Si shef i laboratorit Bakteriologjik, ka mbuluar shërbimin e epidemiologjisë dhe nëndrejtor teknik, kryetar i bordit drejtues të shëndetsisë për Qarkun Lezhë.

Dr. Sandër Marku ka shërbyer si ekspert i jashtëm në Insitutin e Mjeksisë Ligjore, Ministria e drejtësisë. Sandri është trajnuar në fusha të ndryshme por kryesisht në ato mjeksore, si Organizata pro-shëndetit USAID, ka mbaruar, drejtim dhe menaxhim shëndetsor nga Ministria e Shëndetësisë, në bashkpunim me Universitetin e Montrealit. Antar i Këshillit të Urdhërit të Mjekut për Qarkun Lezhë dhe Antar i Këshillit Kombëtar të Urdhërit të Mjekut të Republikës së Shqipërisë.

Prej vitit 1996 - anëtar i Partisë Demokratike Fshati Grykë Lumi - Komuna Shënkoll;

1997 - Anëtar i Komisionit të Qendrës së Votimit në zgjedhjet Parlamentare në Bashkinë Lezhë;

1997 - Anëtar i Komisionit të Qendrës së Votimit në referendumin për Kushtetutën e Republikës së Shqipërisë, lagja Gurrat, Lezhë;

1998 - Kryetar i Seksionit të PD-së në Fakultetin e Mjekësisë në godinën nr.3, Farmacia 10, Tiranë;

1998 - Pjesëmarres aktiv në protestat studentore të vitit ‘98 – ‘99;

1998 - Pjesëmarrës në grevën e urisë të Dhjetorit ‘98;

1999 - Nënkryetar i PD-së dega Qyteti Studenti, Tiranë;

2001 - Organizator i fushatës së PD-së në Qytetin Studenti dhe në Fakultete të ndryshme si N/Kryetar i Komisionit Zgjedhor në Zgjedhjet Parlamentare Tiranë;

2001- 2004 - Kryetar i Forumit Rinor, Lezhë. Anëtar i Kryesisë së PD-së; Anetar i Këshillit Kombëtar. Delegat në Kuvendet e PD-së;

2004 - 2005 - Kryetar i PD-së, zona elektorale 14, pjesë e grupit menxhues të fushatës për Zgjedhjet Parlamentare 2005;

2001 - Pjesëmarrës në programin “Zhvillimi i Udheheqjes Politike”, organizuar nga NDI në Shqipëri- National Democratic Institute: Udhëheqësit efektiv punojnë me anëtarët e tyre, Shtrirja e partive politike, Politika e kimpromisit, Degë të forta dhe efektive;

2003 – 2004 – Më 30 Maj në Zyrat e National Democratic Institute for International Affairs në Tiranë është zgjedhur sipas rregullave si Këshilltar Ekzekutiv për programin e Menaxhimit Politik për periudhën 30 Maj 2003 - 31 Mars 2004;

2003 – 2005 - Pjesëmarrës në setin e leksioneve dhe seminareve me tematikë “Procesi Politik në Demokraci”;

2005 – 2006 - Trajnuar për udhëheqës i fushatave elektorale dhe menaxhimi nga NDI, i rekomanduar nga Partia Demokratike e Shqipërisë, Zyra e Burimeve Njerëzore;

2005 – 2007 – 2009 – 2011 – 2013 - Pjesëmarrës si anëtar e sekretar i Komisionit të Qendrave të Votimit dhe Grupit të Numërimit;

2013 - Vendim nr.2 \ Komisioni i Organizimit dhe Kontrollit të Operacioneve Elektorale, anëtar i Komisionit të Zgjedhjeve për Kryetarin e PDSH-së të datës 22.07.2013, Rrethi Lezhë.

Vota për Dr. Sandër Markun, është votë për të kthyer Bashkinë e Lezhës pushtet në duart e qytetarëve!/CNA.al