web counter
LEXO PA REKLAMA!

SHKARKO APP

App Store
Google Play

Zgjedhjet në PD-në e vulës/ Berisha: Demokratët nuk do të implikohen në skenarin më të turpshëm të pluralizmit politik

28 Korrik 2023, 13:12, Politikë CNA

Zgjedhjet në PD-në e vulës/ Berisha: Demokratët nuk do

Ish-kryeministri Sali Berisha është shprehur në lidhje me zgjedhjet që pritet të zhvillohen ditën e nesërme për kreun e PD-së së vulës.

Gjatë një deklarate për mediat Berisha ka deklaruar se demokratët nuk do t'i lejojnë kurrë vetes, të bëhen pjesë sipas tij e një skenari të Edi Ramës dhe Taulant Ballës.

Berisha ka hequr paralele duke e krahasuar procesin e nesërm në PD-në e vulës si vendimi i Ramiz Alisë në vitin 1991, që shpalli Frontin apo Organizatën e Gruas si organizata elektorale.

Ai thekson se i bindur se demokratët nuk do t'i lejojnë vetes të implikohen, sipas tij, në skenarin më të turpshëm në historinë 32-vjeçare të pluralizmit politik.

“Unë kam besim të plotë te demokratët. Tek idealet e tyre demokratike. Se nuk do t'i lejojnë kurrë vetes, nuk do pranojnë të bëhen pjesë e një skenari të Edi Ramës dhe Taulant Ballës.

Të turpshëm, me të cilin nuk kanë qëllim tjetër, vetëm të krijojnë një patericë të tyre, njëlloj siç bëri Ramiz Alia në vitin 1991, që shpalli Frontin apo Organizatën e Gruas si organizata elektorale.

Unë kam bindjen që demokratët do qëndrojnë në lartësinë e tyre.

Jam i bindur se demokratët nuk do t'i lejojnë vetes të implikohen apo të mbështesin një skenar që me të vërtetë përbën skenarin më të turpshëm në historinë 32-vjeçare të pluralizmit politik.”-deklaroi Berisha./CNA.al





Lajmet e fundit nga