web counter
LEXO PA REKLAMA!

SHKARKO APP

App Store
Google Play

E fundit!

x

Operacioni i SPAK/ PD ngre akuzat: U dekonspirua, dështoi në masën 60%

27 Korrik 2023, 19:58, Politikë CNA

Operacioni i SPAK/ PD ngre akuzat: U dekonspirua, dështoi në

Partia Demokratike ka dalë me një deklartatë për operacionin e SPAK, nga i cili u arrestuan 6 persona dhe u shpallën në kërkim 9 të tjerë.

PD pretendon se operacioni i SPAK u dekonspirua dhe dështoi në masën 60%. Demokratët ngrejnë akuzat se ministri i Brendshëm, Taulant Balla ka lidhje me mos kapjen e disa prej personave të shpallur në kërkim.

Deklarata e plotë:

Dekonspirim kriminal i operacionit të kërkuar nga Europol dhe SPAK: Ja mbathin pasi njoftohen, 9 nga 15 kriminelët

Europoli, bazuar në përgjimin e telefonave Sky, ECC dhe Encrochat kishte sjellë në Shqipëri dosjet e 15 kriminelëve shqiptarë trafikantë droge, prostitucioni, autorë vrasjesh, përdhunuesish. Por, në këtë operacion, nga 15 banditë u arrestuan vetëm 6, sepse 9 të tjerë, ndër të cilët dy anëtarë të klanit të partisë “Bajri”, ja mbathën siç është rregulli, “në drejtim të paditur”.

E vërteta është se operacioni, në masën 60% dështoi. Kjo, vetëm e vetëm se autoritetet shqiptare, të lidhura me bandat e partisë, i njoftuan banditët e tyre që t’ia mbathin. Ministri i krimit Balla, i njohur për lidhjet direkte me disa prej të arratisurve, vrapoi i pari të lavdërojë Policinë për operacionin, 60 përqind të dështuar, si për të thënë “mos kujtoni se i kam njoftuar unë”.

Partia Demokratike, duke falënderuar Europolin për kontributin e madh dhe të çmuar që po jep në luftën kundër kriminalitetit të lidhur me politikanë në vendin tonë, dënon me ashpërsinë më të madhe dekonspirimin kriminal dhe dështimin e këtij operacioni nga organet ligjzbatuese të Shqipërisë, të lidhura me krimin.

Zero tolerancë është zotimi i PD ndaj krimit të organizuar!/ CNA.al





Lajmet e fundit nga