web counter
LEXO PA REKLAMA!

SHKARKO APP

App Store
Google Play

Bardhi: Basha të reflektojë, të mos çojë partinë në një tjetër përplasje

27 Korrik 2023, 21:09, Politikë CNA

Bardhi: Basha të reflektojë, të mos çojë partinë

Gazment Bardhi, kryetari i grupit parlamentar të PD-së, bëri mbrëmjen e kësaj të enjtjeje një thirrje për Lulzim Bashën, kryetarin e dorëhequr të PD-së që kandidon sërish për kryetar.

Në një prononcim për gazetarët, Bardhi i kërkoi Bashës të reflektojë dhe të mos çojë partinë në një tjetër përplasje.

Ai theksoi se nuk është momenti që në PD të ketë të tjera akte antistatutore dhe të paligjshme që prodhojnë një tjetër ngërç të ri.

“Zoti Basha mund të bëjë çfarë ai ka dëshirë, apeli im për Bashës është të reflektojë dhe të mos çojë partinë në një tjetër përplasje, të gjejë një zgjidhje që është interesi i demokratëve. Ky nuk është momenti që në PD të ketë të tjera akte antistatutore dhe të paligjshme që prodhojnë një tjetër ngërç të ri”, nënvizoi Bardhi.

Kjo thirrje erdhi pas vendimit të Këshillit Kombëtar të PD-së së vulës për të anuluar zgjedhjet e 29 korrikut, për kryetarin e ri.

Nga ana tjetër, me një reagim në rrjetet sociale, Basha deklaroi se zgjedhjet do të mbahen./ CNA.al





Lajmet e fundit nga