web counter
LEXO PA REKLAMA!

SHKARKO APP

App Store
Google Play

Vrasja e Pjetër Kazës në Lezhë/ Lala: Rast tronditës, ka nisur në ‘94

5 Qershor 2025, 22:18, Politikë CNA

Vrasja e Pjetër Kazës në Lezhë/ Lala: Rast tronditës,

Gazetarja Klodiana Lala ndau detaje nga vrasje e Pjetër Kazës dy ditë më parë në një fshat të Lezhës.

E ftuar në një studio televizive, Lala e cilësoi si një rast tronditës, që ka nisur në vitin 1994.

“Ardjan Nikulaj dyshohet se u vra për gjakmarrje. Kemi patur një 17-vjeçar që i ishte vrarë babai kur ishte 2 vjeç dhe pastaj opinioni ja bënte me gisht pse nuk merr hak dhe vrau në një moshë shumë të papjekur.

Rasti i Pjetër Kazës është tronditës, sepse ka nisur në ‘94. Vëllai i tij ishte shef i krimeve. Në Mirditë në një përplasje qëllohet për vdekje. Pala kundërshtare u vranë 3 vite më vonë nga vëllai i Ndue Kazës dhe Pjetër Kazës. Autori Martin Kaza u arrestua në Britani shumë vite më parë.

Ndërkohë që ekstradohet, në vitin 2024 vritet vëllai tjetër Augustini në Belgjikë.

Dyshoj se e ka ngjitur fakti që gjykata, pas shumë makinacioneve, dënohet më pak se 14 vite burg për dy vrasje.

Duket sikur ky dënim i lehtë ka nxitur përplasjet dhe problematikat mes familjeve. Dyshimet se u vra për motive gjakmarrje. U vra në oborrin e banesës.

I shpallur në kërkim është vëllai i Dod dhe Augustin Gjinit. Nuk e di sa prova ka për ta lidhur me ngjarjen.

Fenomeni i gjakmarrjes, mbetet plagë e hapur në shoqërinë shqiptare, sidomos në veri të vendit”,-tha Lala./CNA





Lajmet e fundit nga