E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

“Votimi sot ishte kundër drejtësisë”/ Shehaj: Mazhoranca mori në mbrojtje Ballukun

12 Mars 2026, 22:36, Politikë CNA

“Votimi sot ishte kundër drejtësisë”/ Shehaj:

Kreu i Partisë “Mundësia”, Agron Shehaj, reagoi pas zhvillimeve në Kuvend, duke deklaruar se mazhoranca mori në mbrojtje Belinda Balluku dhe se votimi i sotëm ishte kundër drejtësisë.

Sipas Shehajt, ajo që ndodhi në parlament ishte e pritshme dhe tregoi se kryeministri Edi Rama mbështet drejtësinë vetëm kur ajo merret me kundërshtarët politikë.

Shehaj shtoi se Rama ka konfirmuar qëndrimin e tij edhe përmes reagimeve në platformën X, duke pretenduar se lufta kundër korrupsionit po e dëmton Shqipërinë më shumë se vetë korrupsioni.

Sipas tij, qëllimi është të denigrohet drejtësia për të përgatitur opinionin publik për ndryshime ligjore që do të çonin në “rikapjen e drejtësisë”.

“Në kuvend ndodhi ajo që pritej, që mazhoranca do të merrte në mbrojtje Belinda Ballukun. Me vendimin që morën treguan se Rama nuk është parimisht me drejtësinë, vetëm në rastet kur merret me kundërshtarët e tij. Sulmet ndaj drejtësisë kanë filluar prej kohësh. Sot jemi përballë një votimi qartësisht kundër drejtësisë.

Për këtë çështje kam ngritur këto shqetësimet në takimet që kam patur në Departamentin Amerikan të Shtetit, me zyrtarë të lartë ku kam diskutuar qëndrimin e partisë “Mundësia”.

Rama sot e ka konfirmuar dhe me qëndrimin që ka mbajtur në X, se lufta kundër korrupsionit po e dëmton Shqipërinë më shumë se korrupsioni.

Në fakt ky është qëllimi, që të denigrojë drejtësinë për të përgatitur terrenin në opinionin publik që nesër të ndryshohet ligji dhe të rikapin drejtësinë dhe të ndalojnë atë që po ndodh.

Ndërkohë që SPAK kërkon për herë të parë pezullimin e Ballukut nga detyra, është kërkuar arrestimi i saj në parlament. Ajo është kthyer në një problem mjaft të madh për Ramën sa u detyrua të kapërcejë ylberin se kaloi nga një qëndrim me kritika po në mbrojtje të drejtësisë në një qëndrim kundër saj, ku me votat e kartonave ndaloi arrestimin e Ballukut”, ka deklaruar Shehaj./ CNA