E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

Ish-deputeti socialist: Refuzimi i kërkesës së SPAK, hap pas për sundimin e ligjit në Shqipëri

12 Mars 2026, 19:34, Politikë CNA

Ish-deputeti socialist: Refuzimi i kërkesës së SPAK, hap pas

Ish-deputeti socialist Petro Koçi, ka reaguar pas vendimit të Kuvendit për të refuzuar kërkesën e SPAK për imunitetin e Ballukut.

Sipas Koçit, ky vendim përbën një hap prapa për procesin politik dhe sundimin e ligjit në Shqipëri. Ai thekson se shqetësimi lidhur me përdorimin e vendimeve me arrest paraprak ndaj figurave politike nuk mund të trajtohet nëpërmjet një rasti individual, por duhet të menaxhohet përmes praktikave ndërkombëtare dhe vendimeve normuese të gjyqësorit, në konsultim me Komisionin e Venecias.

Koçi paralajmëron se ndërhyrja selektive e politikës së ditës në mbrojtje të individeve të caktuar të saj, qofshin nga opozita apo mazhoranca, e kompromenton angazhimin publik për respektimin e drejtësisë dhe luftën ndaj korrupsionit dhe krimit të organizuar.

“Nuk është fundi i botës dhe as kohë e dielltë për opozitën berishiane, por vendimi i sotëm i refuzimit të kërkesës së SPAK për lejen e Kuvendit për masë sigurimi ndaj një deputeteje nën ndjekje penale përbën një hap prapa për procesin politik dhe sundimin e ligjit në Shqipëri.

Unë e vlerësoj shqetësimin e përhapur lidhur me zgjerimin e aplikimit të vendimeve me arrest paraprak si masë sigurimi ndaj disa figurave politike nën ndjekje penale, por trajtimi i këtij shqetësimi nuk mund të administrohet nëpërmjet një rasti individual, por vetëm nëpërmjet ndërhyrjeve të konsultuara me praktikat ndërkombëtare në legjislacion apo nëpërmjet vendimeve normuese të shkallëve të larta të gjyqësorit, edhe këto të konsultuara paraprakisht me Komisionin e Venecias.

Ndërhyrja selektive e politikës së ditës në mbrojtje të individeve të caktuar të saj ndaj ndjekjes penale, opozita në rastin Berisha apo maxhoranca në rastin Balluku, e kompromenton angazhimin publik dhe parimor të klasës politike për të respektuar drejtësinë e re në luftën ndaj korrupsionit dhe krimit të organizuar”, ka deklaruar ish-deputeti socialist./ CNA