web counter
LEXO PA REKLAMA!

SHKARKO APP

App Store
Google Play

Votimi për mandatin e Ballukut/ Këlliçi: Vepër e Edi Ramës që shkel vijën e kuqe

12 Mars 2026, 12:35, Politikë CNA

Votimi për mandatin e Ballukut/ Këlliçi: Vepër e Edi

Deputeti demokrat, Belind Këlliçi, ka ndarë një reagim mbi votimin e sotëm në Kuvend, ku mazhoranca rrëzoi me 82 vota kundër kërkesën e SPAK-ut për imunitetin e Belinda Ballukut.

Përmes një reagimi në rrjetet sociale, Këlliçi shprehet se ky votim do të mbetet si vepër e kryeministrit Edi Rama dhe mazhorancës që ngritën kartonin pro korrupsionit dhe kundër drejtësisë.

“Edi Rama sapo ngriti kartonët në Kuvend për të krijuar imunitet ekstra para drejtësisë dhe për të mbrojtur korrupsionin, duke shënuar një rekord të shëmtuar e historik.

Rrëzimi i kërkesës së SPAK-ut për arrestimin e Belinda Ballukut, e pandehur, me akuzën e shpërdorimit të 1.1 miliardë eurove, është kufiri që Edi Rama i vendos drejtësisë.

Është e qartë se aferat për të cilat hetohet Balluku janë afera të Edi Ramës, ku ai është totalisht i përfshirë. Ndaj, mbrojtja e saj u bë për Kryeministrin e shumicën, më e rëndësishme se integrimi i vendit, se raportet me Brukselin, se barazia para ligjit, se lufta ndaj korrupsionit.

Me votimin e turpshëm sot që do të mbahet mend gjatë dhe do të ngelet si vepër e Edi Ramës dhe e të gjithë atyre deputetëve që ngritën kartonin pro korrupsionit e kundër drejtësisë, u shkel haptazi vija e kuqe.

Shqipëria nuk e kaloi testin kritik.

Edi Rama u tregoi qytetarëve dhe partnerëve ndërkombëtarë, me votë, me vendim Parlamenti, se ai ngriti sot sulltanatin e tij privat.

Ky regjim hajdutërie i themeluar sot në Kuvend, nuk do ta ketë jetën të gjatë sepse është ngritur kundër vlerave, parimeve e aspiratave të shumicës së shqiptarëve.

Shqiptarët nuk meritojnë të kenë një Republikë të Korrupsionit, ku abuzimi me fondet publike dhe paratë e shqiptarëve mbrohet me votë.

Vendi ynë sot është pranë një gremisjeje të rrezikshme. Por, në honin e zullumit të tij do të bjerë Edi Rama. Bashkë me qytetarët, nuk do të lejojmë që ai të marrë me vete edhe Shqipërinë”,-shprehet Këlliçi./CNA





Lajmet e fundit nga