web counter
LEXO PA REKLAMA!

SHKARKO APP

App Store
Google Play

E fundit!

x

"Një moment historik për të përmbushur premtimin e një Europe të bashkuar"/ Hoxha, takim me Kos

11 Mars 2026, 14:28, Politikë CNA

"Një moment historik për të përmbushur premtimin e

Në vijim të vizitës zyrtare, ministri për Europën dhe Punët e Jashtme, Ferit Hoxha, u takua me Komisioneren për Zgjerimin, Marta Kos.

Ministri Hoxha e konsideroi këtë takim një mundësi të shkëlqyer për të rikonfirmuar progresin e pashembullt të Shqipërisë në rrugën e saj drejt Bashkimit Europian.

Hoxha tha se Shqipëria mbetet plotësisht e angazhuar për të dhënë rezultate të përbashkëta për procesin e anëtarësimit. Ministri shkruan se ky është një moment historik për të përmbushur premtimin e një Europe të bashkuar.

“Shqipëria mbetet plotësisht e angazhuar për të ruajtur këtë momentum dhe për të dhënë rezultate sa u takon planeve të përbashkëta dhe ambicioze të punës për procesin e anëtarësimit me të njëjtën vendosmëri që ka udhëhequr përparimin tonë deri më sot. Me Raportet e Vlerësimit të Piketave të Ndërmjetme për Grupkapitullin e Themeloreve që po kalojnë procesin e verifikimit nga shtetet anëtare, si dhe me punën intensive që vazhdon për zbatimin e Planit të Rritjes, agjenda jonë mbetet e fokusuar, thelbësore dhe e orientuar drejt së ardhmes. Ky është njëkohësisht një moment historik dhe një provë e vendosmërisë sonë kolektive për të përmbushur premtimin e një Europe të bashkuar. Shqipëria është e gatshme të vazhdojë të bëjë pjesën e saj, me vendosmëri, përgjegjësi dhe përkushtim të palëkundur ndaj projektit europian”, tha ministri i Jashtëm.

 

Gjatë takimit, Komisionerja Kos përcolli vlerësimin për vullnetin dhe seriozitetin me të cilat Shqipëria ka çuar përpara angazhimet në kuadër të integrimit europian, në një kohë kur procesi i zgjerimit ka qenë dhe mbetet një proces i bazuar në meritë dhe rezultate reale./CNA





Lajmet e fundit nga