web counter
LEXO PA REKLAMA!

SHKARKO APP

App Store
Google Play

E fundit!

x

“Nuk bën vaki tjetër kund”/ Korreshi: Shteti trajtohet si plaçkë lufte, zyrtarët ngrenë dolli rakie

11 Mars 2026, 10:14, Politikë CNA

“Nuk bën vaki tjetër kund”/ Korreshi: Shteti trajtohet si

Deputeti demokrat, Saimir Korreshi, tha sot se disa aspekte të mënyrës se si po shkojnë shumë çështje në vend, tregojnë hapur se shteti trajtohet si plaçkë lufte.

I ftuar në "Syri TV", Korreshi u shpreh se krimi elektoral ka pushtuar shtetin, që blen edhe pensionistët, duke i nënshtruar kështu qytetarët si të jenë të lidhur me zinxhirë.

“Nuk dija si ta shpjegoja sepse do kaq shumë emisione për çfarë ka ndodhur me krimin elektoral, sa nuk di çfarë të them. Vetëm me vendimet e qeverisë për dhënien e pensioneve, dhënien e lekëve, këtyre, në qoftë se e mbani mend pensionistët. Thjesht u blenë të gjithë pensionistët e gjithë Shqipërisë me lekët e buxhetit të shtetit, më kupton? Se këta nuk u lodhën kësaj radhe as të gjenin lekë të tjera, përveç se i dhanë nga buxheti i shtetit, siç falën tatimet, siç falën shumë e shumë gjëra të tjera. Siç i vunë gjoba dikujt dhe pastaj me dy lloj blloqesh dhe pastaj e grisnin se ky do bëhej me ne apo me ata. Pra, nuk ka qenë një situatë e frikshme, ka qenë një situatë e tmerrshme. Domethënë, po të shikosh dhe njerëzit që po ikin, kategoria e njerëzve që po largohen nga Shqipëria, pikërisht ata, kategoria e njerëzve që janë, ajo kategoria e mesme. Po, ikin sepse këtu nuk përballesh dot me asgjë, o do të nënshtrohesh, pra të jesh i lidhur me zinxhirë te pushteti, dhe ndonjëherë kur rri, e mendoj, paskemi marrë shumë vota me gjithë këtë trysni dhe presion që ka pasur, kanë rezistuar me të vërtetë qytetarët.

Shikojnë 'Facebook'-un tani. Janë bërë aq turli saqë gjatë fushatës, ku e kishe burrin e tezes, hallës, xhaxhait, domethënë i thoshin, ç'ne ka bërë 'like' te deputeti, e të tjerë...? Shko me vrap se ndryshe një terror i jashtëzakonshëm. Unë e nxora formularin, e bëra publik formularin, që e kishin blerë një zyrtar i Lushnjës, nuk u bë asgjë. Një ish-e tërbuar e shoqes Belinda, një Laureta Rroshi, që ka qenë drejtoreshë te Albkontrolli, vinte makina, edhe pse ishte shkarkuar, vinte prapë makina e Albkontrollit. I thashë dhe ditën që kishte bërë aksident, me makinën e shtetit, me shofer shteti. Ia nxora dhe shoferin që e kishte atje dhe të gjithë me radhë. Çfarë u bë? Apo atë zyrtaren tjetër që ndërkohë që ishte zyrtare e KESH-it që merrte lekë si këshilltare.

Po këta që vinin e rrinin nga mëngjesi deri në darkë, edhe pse ishin në punë, gjoja, punë shteti. Që unë i kam kapur me video, që rrinin duke ngritur dolli rakie ditën, që duhet të ishin në punë të shtetit.

Edhe pse para të gjithë referimeve në SPAK, nuk ka asnjë gjë. Domethënë, të vësh duart në kokë dhe thua, nuk ka mundësi, sepse nuk bën vaki kund tjetër që të trajtohet shteti si plaçkë lufte.  

Këta kishin kaq shumë lekë sa u thoshin gjithë bizneseve, shiko, nuk dua asnjë lekë nga ty se s'kemi ku t'i çojmë. Dakord? Po. Por dua të gjitha votat. Bëj vaki, nuk del, me datën 12 llafosemi bashkë pastaj e ke të mbyllur biznesin”,-tha Korreshi./CNA





Lajmet e fundit nga