web counter
LEXO PA REKLAMA!

SHKARKO APP

App Store
Google Play

E fundit!

x

PS rrëzoi kërkesën e SPAK-ut për Ballukun/ Këlliçi: Shqipëria nuk e kaloi testin kritik

9 Mars 2026, 12:22, Politikë CNA

PS rrëzoi kërkesën e SPAK-ut për Ballukun/

Deputeti i PD-së, Belind Këlliçi, ka reaguar pas rrëzimit të kërkesës së SPAK-ut për heqjen e imunitetit të Ballukut nga PS.

Këlliçi thekson se Rama e ruajti imunitetin përballë drejtësisë me forcën e kartonëve.

Sipas tij, duke zgjedhur të mbrojë aferat e tij korruptive dhe duke mbrojtur bashkëpunëtoren më të ngushtë, Edi Rama sfidoi drejtësinë dhe integrimin europian të vendit, si dhe hodhi edhe një hap tjetër në përshkallëzimin e tensionit politik në vend.

Këlliçi nënvizoi se ky akt është një vendim kundër Shqipërisë, vetëm e vetëm që Edi Rama të ruajë karrigen e lëkurën e tij.

“Edi Rama vendosi sot të ruajë imunitetin përballë drejtësisë me forcën e kartonëve që ka në Kuvend. Edi Rama u tha të gjithë shqiptarëve se ai është mbi ligjin dhe nuk është i barabartë me qytetarët. Duke zgjedhur të mbrojë aferat e tij korruptive dhe duke mbrojtur bashkëpunëtoren më të ngushtë, Edi Rama sfidoi drejtësinë dhe integrimin europian të vendit, si dhe hodhi edhe një hap tjetër në përshkallëzimin e tensionit politik në vend.

Ky akt është një vendim kundër Shqipërisë, vetëm e vetëm që Edi Rama të ruajë karrigen e lëkurën e tij. U dëshmua haptazi dhe sot se qendrimet e përbetimet e tij për drejtësinë kanë qenë një propagandë e ulët që ra në rastin më të parë kur hetimi shkoi në paradhomën e tij.

Me vendimin që shpalli sot, Edi Rama konkludoi pengimin e drejtësisë, një kurs, i cili nisi që ditën e parë kur mbërriti në Kuvend kërkesa për arrestimin e Belinda Ballukut.

Të gjitha zvarritjet dhe sulmet e vazhdueshme ndaj SPAK-ut kulmuan me vendimin sot për të rrëzuar kërkesën e Strukturës së Posaçme Antikorrupsion.

Testin kritik, siç e cilësoi këtë Brukseli, Shqipëria sot nuk e kaloi.

Tanimë është e qartë për çdokënd. Edi Rama është gati të marrë peng vendin dhe të ardhmen e tij për të shpëtuar nga drejtësia, për të shpëtuar nga burgu që e pret.

U ngelet qytetarëve, u ngelet shqiptarëve të thonë fjalën e fundit. Me 12 mars bashkohemi para Kuvendit e të shpallim se Shqipëria nuk është plaçkë e një kryeministri të korruptuar e të lidhur me krimin e kartelet”, shkruan Këlliçi./ CNA





Lajmet e fundit nga