web counter
LEXO PA REKLAMA!

SHKARKO APP

App Store
Google Play

Turizmi/ Rama: Të mos duash qeverinë time të poshtër, nuk të pengon të gëzohesh për Shqipërinë

5 Mars 2025, 10:46, Politikë CNA

Turizmi/ Rama: Të mos duash qeverinë time të poshtër, nuk

Kryeministri Edi Rama është përballur me komentuesit sa u përket shifrave të turizmit.

Në episodin e radhës të “Sy M’Sy”, Rama iu përgjigj komentuesit duke thënë se të mos duash qeverinë e tij të poshtër nuk duhet të të pengojë të gëzohesh për Shqipërinë.

Biseda 

Edi Rama: Postova qëparë tabelën e UN Turism, organizata gjithëbotërore e turizmit ku janë anëtare të gjitha vendet e OKB-së. Mirëpo disa miq këtu kishin disa gjëra ndryshe për të thënë ndaj ia vlen të bëj një koment “Sy m’sy”.

Komentuesi: Ne ia kalojmë Greqisë për turizëm?? Kush i nxjerr këto marrëzira!!Vetëm në portin e Pireut po te shkosh dhe të shikosh se sa turistë lëvizin nëpër ishuj, ne as qe do t’i kemi për gjithë jetën tonë.

Edi Rama: Këtu flitet për rritje krahasimisht me vendet e mëparshme, sepse me numra absolutë as krahasohemi as nuk kemi pse krahasohemi. Këtu flitet se cili vend është zhvilluar më shumë në vitin që lanë pas.

Mos të duash këtë qeverinë time të poshtër, nuk duhet të të pengojë të gëzohesh për Shqipërinë. Qeveritë shkojnë e vijnë edhe pse kjo e PS do të ketë edhe disa vite këtu derisa të fusim Shqipërinë në BE, të paktën, por tek e fundit Shqipëria mbetet përjetë. Dhe kur Shqipëria shkëlqen si në turizëm dhe e thonë të tërë, s’ke pse ia kursen vetes një buzëqeshje mor Paulin. Por nejse ti e di vetë.





Lajmet e fundit nga