web counter
LEXO PA REKLAMA!

SHKARKO APP

App Store
Google Play

Zyrtarizimi i koalicionit me PD dhe 24 parti të tjera/ Reagon Meta: Shkulje me themel e narkoshtetit

4 Mars 2025, 20:55, Politikë CNA

Zyrtarizimi i koalicionit me PD dhe 24 parti të tjera/ Reagon Meta: Shkulje

Ditën e sotme KQZ zyrtarizoi koalicionin e Partisë Demokratike me 25 parti të tjera, mes të cilash edhe Partia e Lirisë e Ilir Metës. Ky i fundit reagoi nëpërmjet një statusi në rrjetet sociale duke theksuar se PL do të japë kontributin maksimal në këtë koalicion me qëllim shkuljen nga themelet të Narkoshtetit të kalbur dhe të inkriminuar në çdo qelizë.

Reagimi i Metës: 

Falenderoj Kryesinë e Partisë së Lirisë, që miratoi sonte me unanimitet marrëveshjen për hyrjen në koalicionin opozitar gjithëpërfshirës "Partia Demokratike - Aleanca për Shqipërinë Madhështore".

Në funksion të Fitores dhe Ndryshimit të shumëpritur më 11 Maj, çdo anëtar dhe simpatizant i Partisë së Lirisë, brenda por edhe jashtë vendit, do të japë kontributin e tij maksimal për shkuljen nga themelet të Narkoshtetit të kalbur, të korruptuar dhe të inkriminuar në çdo qelizë.

U bëj thirrje të gjithë bashkëatdhetarëve tanë në diasporë, që në këto orë të mbetura të regjistrohen për të votuar më 11 Maj për të ndëshkuar sektin që dëboi mbi 1 milion shqiptarë në emigrim dhe që nga paniku po tenton çdo manovër për të penguar votën e tyre.

Vota masive e shqiptarëve për koalicionin gjithëpërfshirës opozitar "Partia Demokratike - Aleanca për Shqipërinë Madhështore" do të sjellë Ndryshimin. FITORE! /CNA





Lajmet e fundit nga