web counter
LEXO PA REKLAMA!

SHKARKO APP

App Store
Google Play

“Turizmi me problematika”/ Teliti: Sektori me ulje të prodhimit me 40%

6 Gusht 2025, 15:23, Politikë CNA

“Turizmi me problematika”/ Teliti: Sektori me ulje të prodhimit

Këshilltari për çështjet ekonomike në Partinë Demokratike, Dorjan Teliti, u shpreh sot lidhur me situatën e sezonit turistik në Shqipëri.

Në një intervistë në "Syri TV", Teliti theksoi se këtë vit ka një ulje të prodhimit nga turizmi më 40%.

Teliti tha se shkak kryesor është fakti që nuk u ndoqën disa politika që duhet të ishin zbatuar vite më parë.

“Së pari, duhet t’u themi disa fakte tashmë, pasi edhe shifrat kanë dalë të gjysmës së parë të sezonit turistik. Sezoni turistik këtë vit është 40% më pak në shitje. Pra, produktet e konsumuara dhe ambientet e zëna, sezoni turistik do të prodhojë 40% më pak se viti i kaluar dhe kjo është një kambanë alarmi e tmerrshme të themi të drejtën.

Në anën tjetër, ndërhyrjet që po bën kryeministri për sa u përket tashmë ndërtimeve pa leje që i kanë lënë po vetë këta të ndërtohen, infrastruktura që u shpikën brenda ditës sikur nuk ekzistonin, prej javësh, prej muajsh, prej vitesh, nën syrin dhe nën bekimin e qeverisjes ashtu dhe vendore që menaxhohet kryesisht nga PS.

Më tepër, kjo pjesa e ndërhyrjeve është përdorur si justifikim, pra që kur njerëzit dhe shqiptarët kur themi: shiko se ky sezon nuk ishte fort i suksesshëm sepse bëri këto ndërhyrje qeveria. Jo! Ky sezon nuk është i suksesshëm për faktin se në Shqipëri, në turizmin shqiptar nuk u ndoqën ato reformat që duhet të ndërmerreshin vite më para kur ne ngritëm kambanën e alarmit që thamë: Nuk duhet të kënaqemi me të huajt që vijnë në Shqipëri, por duhet të bëjmë çmos që këta të huaj të kthehen përsëri për herë të dytë në Shqipëri.

Dhe problematika që ka turizmi shqiptar është që, po, vitin e kaluar ishte turizëm me shifra të larta, por fatkeqësisht ajo flluska që u krijua, mbaroi. Aq ishte”,-tha Teliti./CNA

 

 

 

 

 

 

 





Lajmet e fundit nga