web counter
LEXO PA REKLAMA!

SHKARKO APP

App Store
Google Play

Vëzhgimi i 11 majit/ Bylykbashi: Zgjedhjet nuk siguruan një fushë të barabartë loje

5 Gusht 2025, 20:30, Politikë CNA

Vëzhgimi i 11 majit/ Bylykbashi: Zgjedhjet nuk siguruan një fushë

Nënkryetari i PD-së, Oerd Bylykbashi komentoi sot lidhur me rezultatet e marra nga vëzhgimi i bërë në zgjedhjet e 11 majit nga ndërkombëtarët.

Në një intervistë në ‘Syri Tv’, Bylykbashi tha se sipas raporteve, zgjedhjet parlamentare nuk siguruan një fushë të barabartë loje.

Bylykbashi shtoi se PD e ka cilësuar në qëndrimet e saj se më 11 maj kishte përdorim total të shtetit dhe faktit që qeveria përdori pushtetin për të garantuar avantazhe për kandidatët e saj.

“Letra e ministrit të Jashtëm ndaj OSBE-ODIHR pas publikimit të raportit paraprak për zgjedhjet e 11 majit është një akt skandaloz, ta themi shkurt. Pavarësisht se ministri përpiqet të bëjë piruetat e tij, akti është i papranueshëm.

Shqipëria është shtet anëtar në OSBE dhe nga ky anëtarësim ke detyrime dhe ndër to është edhe ai për të ftuar OSBE-ODIHR për vëzhgim të papenguar të zgjedhjeve në Shqipëri, detyrim që lind nga të gjithë dokumentet dhe është i parashikuar në samitin e Stambollit të vitit 1999.

Është i paprecedent një veprim të tillë, për një kohë shumë të gjatë që unë kujtoj.

Po të ja vëmë në qafë Hasanit jemi duke zvogëluar përgjegjësi. Ky është urdhri i Edi Ramës.

Vëzhgime zgjedhjesh bëhen edhe në vendet të BE-së, por vëzhgimi është shumë i vogël.

Fakti që në Shqipëri vazhdon e vjen një mision masiv vëzhgimi në standardin më të plotë, do të thotë se Shqipëria ka nevojë që të vëzhgojë në imtësi dhe më afatgjatë në të gjitha aspektet.

Reagimi i ministrisë ishte i tillë sikur Shqipëria barazohej me Belgjikën përsa i përket standardit dhe rrëzoheshin nga karriget këta zyrtarët tanë, duke parë sot OSBE-ja për herë të parë në raportin paraprak.

Që në fjalinë e parë thuhet që, zgjedhjet nuk siguruan një fushë të barabartë loje.

Kaq mjafton për të vrarë çdo lloj shprese të Edi Ramës që zgjedhjet do të konsiderohen të lira dhe të ndershme.

Jo vetëm kaq. Por thuhet fare qartë ajo që është thënë prej kohësh nga ne, përdorimi total i shtetit dhe që fakti që qeveria përdori pushtetin për të garantuar avantazhe për kandidatët e saj.

Dhe të gjitha këto e kishin tërbuar Edi Ramën që i ka dhënë urdhër ministrit që të shkruajë një letër të papranueshme për çdo lloj standardi komunikimi me këto lloj organizatash”,-tha Bylykbashi./CNA





Lajmet e fundit nga