Dosja e dekriminalizimit të Irena Gjokës shqyrtohet në Prokurorinë e Përgjithshme, por Berisha akuzon SPAK-un

4 Gusht 2025, 17:17, Politikë CNA

Dosja e dekriminalizimit të Irena Gjokës shqyrtohet në

Berisha sot nuk harroi që të përmendtte sërish atë që ai e quan "Irena me 3 mbiemra".

Gjyqtarja Irena Gjoka, foto-burimi: LSA

Mënyra sesi mbushet lista e mbiemrave që Berisha i atribuon Gjyqtares së Gjykatës së Posaçme, në fakt përmbledh mbiemrin e vajzërisë së Gjyqtares, (Maneku), mbiemrin pas martese (Gjoka) dhe një mbiemër që zonja e ka cituar vetë në formularin e dekriminalizimit kur ka sqaruar se familja dikur mbante mbiemrin "Shpata".

“Virgjëreshë e drejtësisë”/ Berisha: Irena Gjoka ka kryer mashtrim publik të rëndë
10 Qershor, 11:26

Në këtë listë Gjyqtarja mund të mbajë përgjegjësi veç për ndryshimin e mbiemrit nga ai i vajzërisë në atë të martesës. Veç për këtë ndryshim e ka marrë vetë vendimin.

Me mënyrën sesi Berisha plotëson atë që ai e quan listë e mbiemrave të Gjyqtares, atëherë çdo gruaje të martuar do duhet t'i referoheshin si "zonja me 2 mbiemra". Dhe e thënë kështu do dukej sikur çdo grua e martuar paska diçka për të fshehur.

Gjithsesi, me 2 ose 3 mbiemra dhe me gjithë pretendimet që Berisha ka ndaj të shkuarës së Gjyqtares, nuk merret SPAK.

Dokumenti ekskluziv/ Prokura që “gropos” gjyqtaren Irena Gjoka
6 Maj, 18:31

Zyra që shqyrton rastet e problemeve të lidhura me të dhënave dhe mbledhjen dhe vlerësimin e dokumentave që i takojnë ligjit të dekriminalizimit, ndodhet në Prokurorinë e Përgjithshme.
Dhe prokurori i përgjithshëm quhet Olsian Çela.

Prokurori i Përgjithshëm, me paketën e re të reformës nuk ka kompetenca të hetimit mbi asnjë rast tjetër veç praktikave të lidhura me ligjin e dekriminalizimit.
Me bujari, për t'i shtuar pak volumin e punës Zotit Çela, kësaj liste mund t'i shtonim edhe rastet e hetimit disiplinor në rradhët e magjistratëve të Prokurorisë të Përgjithshme.

Që prej ditës kur dosja me dokumentacionin përkatës është plotësuar në Prokurorinë e Përgjithshme, nuk ka as vendimmarrje për rastin "Irena Gjoka", as ndonjë procedurë ndjekje disiplinore për zyrtarët magjistratë që kanë në sirtar dosjen.
Për këtë analizë, nuk ka rëndësi fare nëse zonja Magjistrate ka falsifikuar ose jo të dhënat në formularin e dekriminalizimit.

“Llumi dhe turpi i drejtësisë”/ Berisha shpërthen ndaj gjyqtares Irena Gjoka
7 Korrik, 10:51

Kjo përgjigje nuk i takon medias ta gjejë mes akuzave të Berishës apo përmes heshtjes së Olsian Çelës.

Ndryshe nga kërcimi përpjetë i Prokurorit të Përgjithshëm kur shpejtoi të thosh që s'kish dijeni për draftin e Kodit Penal, kjo heshtja duket si bashkëpunim me zyrtarët magjistratë të Prokurorise së Përgjithëshme që nuk dihet pse nuk nxjerrin vendimin për Gjyqtaren e akuzuar periodikisht.
Apo dihet?
Olsian Çela me siguri e di!

Siç kishte dijeni për gjithë takimet për diskutimet mbi Kodin Penal, ku përfaqësuesi i prokurorisë së Pergjithshme jo vetëm merrte pjesë por edhe dorëzonte komentet.
Dhe askush nuk beson se Kujtim Luli dorëzonte në Ministrine e Drejtësisë ato që ai donte, pa e përcjellë materialin per konsultim brenda Prokurorisë së Përgjithshme.

Olsian Çela: Lufta ndaj korrupsionit kërkon zgjidhje gjithëpërfshirëse
2 Dhjetor, 17:15

Ndaj Zoti Prokuror i Përgjithshëm këtej e tutje duhet të mendojë përpara se të lëshojë fjalitë që i rrjedhin si me përtesë dhe me vetëbesimin e njeriut superior ndaj bashkëbiseduesve.

Pse Prokurori i Përgjithshëm nuk i jep sqarime Sali Berishës se në cilën fazë është shqyrtimi i dosjes së Dekriminalizimit të Magjistrates Irena Gjoka (Maneku)?
A mos zvarritja e vendimmarrjes bëhet që ky debati për "Irenën me 13 mbiemra" të mbahet sa më gjatë në piacë?