web counter
LEXO PA REKLAMA!

SHKARKO APP

App Store
Google Play

Takimi i fshehtë Balla-Basha/ Ironizon Berisha: Të mos fshihen nëpër skuta, të dalin hapur

12 Maj 2023, 22:15, Politikë CNA

Takimi i fshehtë Balla-Basha/ Ironizon Berisha: Të mos fshihen

Kreu i koalicionit “Bashkë Fitojmë”, Sali Berisha ka komentuar videon e publikuar ditën e mërkurë ku shfaqeshin ish-kreu i PD-së, Lulzim Basha dhe kreu i grupit parlamentar të PS-së, Taulant Balla në një takim të fshehtë me njëri-tjetrin.

Berisha në një intervistë për gazetarin Çim Peka është shprehur se e ka ditur gjithmonë se Basha ka qenë peng dhe skllav i kryeministrit Edi Rama.

Berisha theksoi ndër të tjera se Basha dhe Rama duhet të mos takohen më nëpër skuta, poe të takohen hapur.

"E kam thënë me bindje absolute se ai është skllav i Edi Ramës. Të jesh në proces gjyqësor dhe materia e atij procesi të dënon automatikisht 6 vite dhe dosja të mbyllet me një firmë prokurori dhe jo dy firma, ajo është skllavërim. Dhe unë e kam thënë, është peng. Unë e thashë edhe sot, bëjnë gabim që nuk takohen haptazi, por takohen nëpër skuta. Veprimet i bëjnë haptaz në Parlament. Unë duke shkuar në katedër ai urdhëronte Alibashën të zinte katedrën vetëm e vetëm që të mbronte Edi Ramën", u shpreh ai./CNA.al

 

 





Lajmet e fundit nga