web counter
LEXO PA REKLAMA!

SHKARKO APP

App Store
Google Play

Sot Kuvendi “i jashtëzakonshëm” i Luli Bashës me “petritët” e tij

2 Shtator 2023, 08:46, Politikë CNA
Sot Kuvendi “i jashtëzakonshëm” i Luli Bashës me
Lulzim Basha

Sot, Lulzim Basha, i njohur si “humbësi serial”, do të mbledhë Kuvendin e “jashtëzakonshëm” bashkë me “petritët“ e tij.

Mbledhja do të mbahet tek pallati i sportit Asllan Rusi në orën 10:00.

PD e vulës e ka konsideruar këtë një moment vendimtar  për të ardhmen ndërsa Basha në delir thotë se do ta kthejë partinë e shkatërruar nga duart e tij në alterantivë për shqiptarët.

“Të shtunën, 2 shtator, ora 10:00  Pallati i Sportit “Asllan Rusi”, mblidhet Kuvendi Kombëtar i Partisë Demokratike.

Në një moment vendimtar për të ardhmen e vendit, ne zgjedhim reformimin dhe modernizimin e forcës sonë politike, për t’ju përgjigjur sfidave të kohës dhe pritshmërive të qytetarëve për një ndryshim të vërtetë, për një politikë të pastër, propozuese, që lufton korrupsionin, ofron alternativën e duhur ekonomike dhe fuqizon përfaqësimin e qytetarëve.

Guximi ynë për të ndryshuar, duke pranuar gabimet e të shkuarës dhe duke mësuar prej tyre, është provë e vullnetit tonë për të kthyer Partinë Demokratike në alternativën që shqiptarët meritojnë”, thuhej në njoftim.

Nga ana tjetër pasi nuk mori as 100 vota në zgjedhjet e 29 Korrikut duke shënuar dështimin e tij të radhës në karrierën e tij politike, ka deklaruar se gjatë Kuvendit do të merren vendime të rëndësishme në statut.

Basha pritet të mbajë një fjalim dhe më pas do të prezantohen dhe ndryshimet në statutin e partisë.

Po sot do të votohet edhe Këshilli i ri Kombëtar dhe teksa do të mbahen fjalime të hapura, njëkohësisht edhe do të votohet./CNA





Lajmet e fundit nga