web counter
LEXO PA REKLAMA!

SHKARKO APP

App Store
Google Play

Sa po i paguan Salianji gjyqtarët e Apelit që i shtyjnë seancat prej 2 vjetësh?

12 Qershor 2024, 14:13, Politikë CNA
Sa po i paguan Salianji gjyqtarët e Apelit që i shtyjnë seancat
Ervin Salianji, burimi LSA

Seanca e radhës për procesin penal ndaj Ervin Salianjit është shtyrë sërish.

Gjyqtarë të vetuar nuk do të kishin guxuar të talleshin kësisoj me një proces publik, nëse do të ishin ende në pritje të vetingut.

Si ka mundësi që gjykata pranon dhe nxit sëmurjen me turne të avokatit, pastaj Salianjit, pastaj të akuzuarit tjetër, pastaj të avokatit të të akuzuarit tjetër dhe si për t’i vënë lule m...t, qëllon që sëmuret edhe vetë gjykata!

Edhe sa vjet besojnë gjyqtarët e vetuar, se mund ta shtyjnë talljen kolektive me detyrën dhe rrogën prej floriri që marrin nga reforma që po i  jep dërrmën drejtësisë?

E meqë jemi në fushatë komisionesh reforme, si mendon p.sh. Fatmir Xhafaj se do ta zgjidhë talljen masive që po ndodh me lodrën që ai e quajti reformë dhe që ua ka dorëzuar ushtarëve të vet?

Kaq zvarritje në proceset penale kemi parë vetëm kur shqyrtoheshin proceset në ngarkim të personazheve të famshëm të krimit si Dritan Dajti apo Shullazi.

Sa po i paguan Salianji gjyqtarët e Apelit që i shtyjnë seancat
Gjykata e Apelit, foto e marrë nga Google

Nga cilin gjiriz buron fuqia e një vemje si Ervin Salianji që paska takat të detyrojë një sistem të tërë që të sëmuret me turne të rregullta, derisa të kalojnë afatet e ndjekjes penale dhe dikush të dalë e të flasë i keqardhur se si tashmë “Babalja” i paska shpëtuar ligjit!

Gjyqtarët nuk janë specie që për shkak të kalimit të vetingut tani mund të sillen si të duan me zyrën dhe ligjin.

Këta gjyqtarë të vetuar ose kanë miqësi familjare me “Babalen” dhe për këtë shkak duhet të ndiqen penalisht si anëtarë të një trupe gjykuese në konflikt interesi, ose PAGUHEN RREGULLISHT nga “Babalja” dhe sekserët e vet avokatë. Dhe për këtë shkak duhet të shoqërojnë “Babalen” pas hekurave.

Sa po i paguan Salianji gjyqtarët e Apelit që i shtyjnë seancat
Ervin Salianji, burimi LSA

Nuk ka asnjë motiv tjetër që mund t'i shtyjë ca zyrtarë shteti, që të mbajnë në sirtar një dosje mashtruesi të certifikuar nga një gjykatë më e ulët.

Nëse Gjykata e Shkallës së Parë ka mbyllur shqyrtimin e vet gjyqësor dhe ka arritur në një konkluzion duke e deklaruar “Babalen” si njeri që meriton burgun, nuk ka logjikë se pse Gjykata e Apelit rri e sëmuret në turne sa herë i vjen ora seancës së “Babales”.

Gjyqtarët e Apelit ose janë miq të Salianjit ose po paguhen me zarfe të majme nga Salianji.

Të paktën prej 2 vjetësh./ CNA





Lajmet e fundit nga