web counter
LEXO PA REKLAMA!

SHKARKO APP

App Store
Google Play

Rrëfehet Argita Malltezi/ Si e kalon kohën ish-kryeministri, përjetimet e familjes Berisha

8 Maj 2024, 21:05, Politikë CNA
Rrëfehet Argita Malltezi/ Si e kalon kohën ish-kryeministri,
Argita Berisha Malltezi

Argita Berisha Malltezi, vajza e ish-kryeministrit Sali Berisha dhe bashkëshortja e Jamarbër Malltezit, ka treguar se si po e përjeton familja e saj përballjen me drejtësinë.

Argita tha se familja e saj po përpiqet që ta kalojë me normalitet këtë moment të vështirë, kur edhe babain edhe bashkëshortin i ka në arrest shtëpie.

Ajo u shpreh se ish-kryeministrit Berisha i mungojnë shumë takimet me njerëzit.

“Në aspektin personal njeriu e ka të pamundur të zgjedhë një jetë të rrafshët dhe pa sfida. Por shumë shpesh gjatë kësaj periudhe, nëse të bien sfida, je me fat nëse mundesh t’u japësh fëmijëve një model.

Se me kalimin e kohës ata arrijnë të formojnë fizionominë e tyre, je me fat nëse mundesh t’u japësh atyre një model se si përballohen sfidat është një arritje shumë e madhe.

Përpiqemi të krijojmë normalitet mes nesh me aq sa mundemi. I mungojnë shumë takimet me njerëzit dhe shtrëngimi i duarve me ta. Edhe pse takimi i përnatshëm me ta në tubimet është disi lehtësues”, rrëfeu Argita Berisha Malltezi në një intervistë televizive.

Ajo theksoi se Berisha e kalon kohën duke pregatitur materiale, duke përgatitur fjalimin e darkës dhe duke bërë ushtrime fizike.

“Ndahet në mënyrë të kronometruar në segmente të caktuara, dhe në materiale që ai po i punon dhe mbase do t’i publikojë shumë shpejt besoj. Përgatitet për fjalimet e tij të darkës, si dhe informohet pa limit përmes medieve, si dhe nuk i ndahet ushtrimeve fizike”, nënvizoi Argita./ CNA





Lajmet e fundit nga