web counter
LEXO PA REKLAMA!

SHKARKO APP

App Store
Google Play

Rinumërimi/ Anëtari i KAS: Disa kandidatë kanë marrë vota të pamerituara

19 Qershor 2025, 13:00, Politikë CNA

Rinumërimi/ Anëtari i KAS: Disa kandidatë kanë marrë

Anëtari i Komisionit të Ankimimeve dhe Sanksioneve (KAS), Ledio Braho, ka deklaruar se gjatë numërimit të votave janë konstatuar se ka pasur ndryshime te partitë e mëdha si PD dhe PS, të cilat kanë humbur vota për këtë proces.

Po ashtu theksoi se ka pasur lëvizje të disa kandidatëve, ku disa kanë rezultuar se kanë vota të pamerituara, por që disa tjerë kanë marrë më pak vota.

"Ne i kemi orientuar të gjithë numëruesit që janë staf të KQZ dhe jo të partive politike, që po ashtu po bëjnë transparencën maksimale. Kur ka pasur vota që kanë qenë të diskutueshme, gjithmonë janë zgjedhur me vendimmarrje të KAS.

Rinumërimi i votave në Tiranë kishte të bënte me transparencën dhe mendimet e disa kandidatëve që ishte tjetërsuar votat brenda llojit.

Janë numëruar më pak se 10% të kutive. Ka pasur ndryshime te partitë e mëdha si PD dhe PS kanë humbur vota për këtë proces… ka pasur lëvizje te disa kandidatë, disa kanë rezultuar se kanë vota të pamerituara, por që disa tjerë kanë marrë më pak vota.

Deri tani kanë qenë çështje të diskutueshme, nuk mund t'i quash as gabime, por janë çështje subjektiviteti të grupeve të numërimit", tha Braho.

Procesi i rinumërimit, i cili nisi më 11 qershor,  zhvillohet në pallatin e sportit “Farie Hoti” në Tiranë dhe në të angazhohen 24 grupe numërimi.

Vendimi për hapjen e kutive dhe rinumërimin e votave u mor nga KAS pas kërkesës së dy anëtarëve të tij që mbështetën kërkesat e opozitës./ CNA





Lajmet e fundit nga