web counter
LEXO PA REKLAMA!

SHKARKO APP

App Store
Google Play

E fundit!

x

Rinumërimi i votave për Tiranën/ Agron Shehaj, akuza KAS-it

18 Qershor 2025, 13:52, Politikë CNA

Rinumërimi i votave për Tiranën/ Agron Shehaj, akuza KAS-it

Sot ka nisur rinumërimi i votave për qarkun e Tiranës.

Kreu i Partisë “Mundësia” Agron Shehaj ka deklaruar se diferencat e votave nga rinumërimi janë shumë të papërfillshme.

Shehaj ndër të tjera akuzoi KAS se merr vendime në favor të partive të mëdha dhe se u janë shtuar votat.

“Procesi sapo ka filluar, kanë gjetur diferenca shumë të vogla. Ne po monitorojmë votat tona, votat e partisë që pretendon të marrë vendin tonë. Ne e kemi bërë një kontroll paraprak, kemi kontrolluar filmimet e numërimit të parë që është bërë i cili ka dhe më shumë vlerë në fakt. Ne presim që mos të ketë asnjë ndryshim. Nuk besoj se do ketë ndryshim. Janë numëruar pothuajse 25 kuti.

Votat e Partisë “Mundësia“ janë identike. I janë shtuar 4 vota Partisë Demokratike në këto 25 kuti. Janë shtuar sepse KAS ka rivlerësuar vota që ishin quajtur të pavlefshme. Të gjitha votat e pavlefshme që i janë shtuar PS-së dhe PD-së, janë vota të cilat kanë një problem, dhe tani KAS merr vendim dhe thotë se nuk është problem, janë vota të vlefshme. KAS po vendos ti shtojë vota PS-së dhe PD-së.

Të gjitha votat çohen për rivlerësim tek KAS nga numëruesit dhe vendimet e KAS janë në favor të PS-dhe PD-së, është fakt.

Nëse cënohet rezultati, ne jemi këtu, kemi vëzhgues dhe po kujdesemi që votat e partisë “Mundësia“ të mos preken, dhe votat për partitë e tjera të mos shtohen.

Nëse ka tentativa për të rrëmbyer mandatin e partisë Mundësia, do ta denoncojmë”, tha Shehaj./ CNA





Lajmet e fundit nga