E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

Skema "5D"/ Këlliçi: Vepra banditeske dhe e makutërisë së Veliajt

17 Qershor 2025, 22:06, Politikë CNA

Skema "5D"/ Këlliçi: Vepra banditeske dhe e

Drejtuesi politik i PD për Tiranën, Belind Këlliçi i ftuar në “A Krasta Show” në Syri Tv ka folur për kryebashkiakun e arrestuar të Tiranës, Erion Veliaj dhe aferën e inceneratorëve.

Këlliçi tha se Veliaj është ai që instaloi në bashkinë e kryeqytetit vjedhjen sistematik të qytetarëve dhe taksave.

Më tej Këlliçi u shpreh se vijohet të paguhet për inceneratorin inekzistent të Tiranës, aferë që mban firmën e Erion Veliajt.

Gjithashtu Këlliçi u ndal dhe te dosja “5D”, për të cilën tha se është vepra banditeske e Veliajt, që emëroi drejtorë bashkëpunëtorët e tij dhe ngritën një skemë kriminale.

“Ka një lexim të vetëm të kësaj historie, që Erion Veliaj është hajdut. Është një makut, është një njeri që instaloi në Bashkinë e Tiranës, një nga modelet që do të mbahet mend për vite shumë gjatë, atë të vjedhjes sistematike të qytetarëve të Tiranës, të vjedhjes në mënyrë kirurgjikale të taksave të qytetit, të baltosje së kundërshtarit politik, të blerjes së mediave, të shantazhit të mediave, të spinimit të lajmeve pikërisht për të krijuar fake-news, për të tërhequr vëmendjen dhe për tërhequr vëmendjen mediatike dhe presionin mediat nga skandalet e vërteta.

1: Inceneratori i Tiranës, që sot që ne flasim ka shkuar në vlerën 200 milionë euro vjedhja me këtë aferë korruptive dhe flasim për një vepër publike që nuk ekziston. Pra, që në vitin 2017 kur është ajo shkresa e famshme me firmën e Erion Veliaj dhe vilën e Bashkisë Tiranë e deri më sot, ne vijojmë të paguajmë për një incenerator që nuk ekziston të paktën 80 mijë euro në ditë. Këto paguhen dhe garantohen nga buxheti i bashkisë Tiranë që duhet të shkonte për kopshte, për shkolla për të zgjeruar rrugët në Tiranë e jo për ti ngushtuar, për të pastruar qytetin, etj-etj.

Dhe më pas, vepra e tij banditeske dhe makutërisë quhet, skema 5D. Pra fut në bashki pasi shkon aty në 2015 si kryetar shokët e tij të ngushtë, i emëron drejtorë, bashkëpunëtorët e tij më të afërt dhe së bashku me ta ngre një skemë kriminale me të cilat tenderat e bashkisë Tiranë i fitonin 100% kompanitë e hapura nga shokët e tij, nga drejtorët e Bashkisë Tiranë ose më saktë nga ‘5D’ dhe lejet e ndërtimit, një pjesë të tyre, ja firmoste shokëve të tij”, tha Këlliçi./ CNA