web counter
LEXO PA REKLAMA!

SHKARKO APP

App Store
Google Play

E fundit!

x

“PD-ja e vendosur kundër masakrës elektorale”/ Teliti: Rama në krye të lokomotivës së ‘trenit bullgar’

16 Qershor 2025, 17:44, Politikë CNA

“PD-ja e vendosur kundër masakrës elektorale”/ Teliti:

Nënkryetari i Këshillit Bashkiak i PD-së, Dorian Teliti deklaroi sot se opozita është e vendosur të vijojë denoncimet me zë e figurë për masakrën elektorale të 11 majit.

Në një intervistë në ‘Syri Tv’, Teliti u shpreh se nuk është e mundur që në historikun evropian e botëror që një qeverisje në mandatin e 4-t të rrisë numrin e mandateve, edhe pas skandaleve që e ka përfshirë.

Teliti tha se PD-ja do të vazhdojë të ndërgjegjësojë faktorin ndërkombëtar brenda vendit për masakrën e zgjedhjeve parlamentare, teksa akuzoi kryeministrin Edi Rama se është në krye të lokomotivës së ‘trenit bullgar’.

“Po bëjmë denoncime me zë e figurë për masakrën elektorale. Është një tren i madh shqiptar i manipulimit të votave, me shumë vagonë dhe në krye të lokomotivës, që dihet kush është arkitekti që ka nisur një skemë që është aplikuar jo vetëm më 11 maj, por që më parë për të tjetërsuar votën e shqiptarëve. Ndonëse nën presion nga përfaqësues, deputetët e drejtues të mazhorancës, s’besoj se KZAZ-të kanë qenë palë e manipulimit. Është një manipulim që ka nisur më parë, me takimet e kryeministrit në diasporë. Nuk shkoi si kryeministër, por si kryetar i PS. Që këtu nisi tjetërsimi i vullnetit të shqiptarëve.

Me këto pamje, është e qartë pasqyra se çfarë ka ndodhur, e dimë të gjithë realitetin. Habi e njerëzve e votuesve që thonë si është i mundur ky rezultat. Sa është numri total i votuesve realisht, s’kemi përgjigje, sa fletë janë printuar, si është bërë shpërndarja e fletëve të votimit? Ende s’kemi të dhëna nga KQZ. Si është e mundur që është kontraktuar DHL dhe hyn në lojë posta shqiptare. Është vërtetuar mosbesimi ynë që është me themele të forta e prova konkrete. S’ka ndodhur që PD-PS në aq vite demokraci, që të kenë në një kuti votimi 3%.

Të vazhdojmë demsaskimi i masakrës elektorale. Ne s’jemi në maksimumin tonë, kemi nevojë për t’u përmirësuar, për të bërë çmos për të krijuar kushte për qeveri teknike. Nëse bandat do jenë sërish në terren, sërish do të tjetërsohet vullneti i shqiptarëve. Nëse ti vazhdon të përdorësh për pensionistët bonus, sërish do ketë ndikim te rezultat. Apo gjobat t’i falë që i ka vendosur vetë qeveria, do ketë sërish ndikim.

Të zhvishemi nga qeverisja aktuale, që ndikon në zgjedhje. Në momentin që ka garë të lirë e të ndershme, pa dyshim që ka palë fituese e humbëse, kanë vendosur qytetarët e jo bandat në shumë qytete apo paratë e buxhetit, apo frika për vendet e punës. S’është e mundur që në historikun evropian e botëror që një qeverisje në mandatin e 4-t të rrisë numrin e mandateve, edhe pas skandaleve që e ka përfshirë. Jemi në një situatë ku s’ka më rëndësi kush është, por në situatën ku këdo që vë përballë mazhorancës me këto që janë, do ketë rezultat të njëjtë. Të vazhdojmë të denoncojmë masakrën elektorale e të ndërgjegjësojmë faktorin ndërkombëtar brenda vendit”,-tha Teliti./CNA





Lajmet e fundit nga