web counter
LEXO PA REKLAMA!

SHKARKO APP

App Store
Google Play

E fundit!

x

Presidentja Osmani nga samiti në Tiranë: Koha që BE-ja të marrë vendime të merituara për Kosovën

16 Qershor 2025, 20:17, Politikë CNA

Presidentja Osmani nga samiti në Tiranë: Koha që BE-ja të

Presidentja e Kosovës, Vjosa Osmani ishte e pranishme këtë të hënë në Tiranë në samitin e nivelit të lartë të liderëve të shteteve të vendeve të Evropës Juglindore në Tiranë, SEECP.

Përmes një postimi në rrjetet sociale, Osmani shprehet se në adresimin e saj theksoi se zgjerimi i Bashkimit Evropian nuk është një proces bamirësie, por investim strategjik në sigurinë, stabilitetin dhe të ardhmen e vetë Evropës, prandaj, është koha që BE-ja të lëvizë përpara me vendime konkrete dhe të merituara për Kosovën, përfshirë heqjen e masave të padrejta dhe dhënien e statusit të kandidatit për vendin.

Sipas Osmanit, qytetarët e Kosovës nuk duhet të mbahen peng nga masa që i dëmtojnë drejtpërdrejt dhe që nuk i shërbejnë as paqes, as dialogut, e as të ardhmes evropiane të rajonit tonë.

Osmani shprehet se orientimi i Kosovës është i qartë dhe i palëkundur: drejt BE-së dhe NATO-s, si pjesë e natyrshme e familjes euroatlantike./CNA





Lajmet e fundit nga