web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet/ Këlliçi: PD do të denoncojë çdo shkelje deri në publikimin e raportit të OSBE-ODIHR

18 Qershor 2025, 22:00, Politikë CNA

Zgjedhjet/ Këlliçi: PD do të denoncojë çdo shkelje

Drejtuesi politik i Partisë Demokratike për Tiranën, Belind Këlliçi, ka reaguar ndaj procesit zgjedhor të 11 majit.

Sipas tij, Partia Demokratike është e përqendruar aktualisht në grumbullimin dhe dokumentimin e të gjitha provave që tregojnë shkeljet sistematike gjatë procesit elektoral, me qëllim që ato të paraqiten para opinionit publik dhe institucioneve ndërkombëtare, përfshirë OSBE-ODIHR.

Ai gjithashtu shtoi se në këto pesë javë pas zgjedhjeve, fokusi i PD-së nuk ka qenë vetëanaliza apo përplasjet e brendshme, por evidentimi i shkeljeve në të 12 qarqet e vendit.

 

“Ne kemi për detyrë, që deri në ditën kur të përpilohet raporti përfundimtar i OSBE-ODIHR për zgjedhjet, që në një farë mënyrë është dhe vendosja e kapakut për këtë proces zgjedhor, ne do të denoncojmë çdo provë, çdo fakt.

Ne kemi rreth pesë javë që kanë mbaruar zgjedhjet. Nëse këto pesë javë, ne do të ishim marrë me analizën e zgjedhjeve për së brendshmi, me evidentimin e problematikave dhe pikave tona të dobëta, që janë sa të duash, me përgjegjësitë e secilit prej nesh, pa përjashtuar këtu as veten time, sigurisht do kishim humbur ‘trenin’ e denoncimeve. Pra, e gjithë energjia dhe fokusi i Partisë Demokratike, duke nisur nga kreu i saj deri tek anëtari më i fundit, është në evidentimin e shkeljeve në procesin zgjedhor në 12 qarqe”, tha Këlliçi./ CNA





Lajmet e fundit nga