web counter
LEXO PA REKLAMA!

SHKARKO APP

App Store
Google Play

Richard R. Verma, vizitë zyrtare në Shqipëri, Kosovë dhe Serbi

7 Janar 2025, 19:52, Politikë CNA
Richard R. Verma, vizitë zyrtare në Shqipëri, Kosovë dhe
Zëvendës Sekretari i Shtetit për Menaxhimin dhe Resurset, Richard R. Verma

Zëvendës Sekretari i Shtetit për Menaxhimin dhe Resurset, Richard R. Verma do të zhvillojë vizitë zyrtare në Shqipëri, Kosovë dhe Serbi nga sot deri më 11 janar.

Lajmi bëhet i ditur nga Departamenti Amerikan i Shtetit. Sipas njoftimit, në Tiranë, ai do të diskutojë përparimin demokratik të Shqipërisë, aftësitë mbrojtëse dhe thellimin e lidhjeve ekonomike me Shtetet e Bashkuara.

Po ashtu do të falënderojë Qeverinë e Shqipërisë për mbështetjen dhe strehimin e afganëve.

Në Kosovë, ai do të diskutojë për normalizimin e marrëdhënieve të Kosovës me Serbinë përmes Dialogut të lehtësuar nga BE-ja, forcimin e qeverisjes dhe sundimit të ligjit, dhe nxitjen e rritjes ekonomike dhe sigurisë energjetike për të mirën e të gjithë kosovarëve.

Ai gjithashtu do të falënderojë Qeverinë e Kosovës për mbështetjen e fuqishme të Ukrainës dhe për ndihmën e saj për afganët në nevojë.

Në Serbi, Zëvendës Sekretari do të theksojë partneritetin strategjik në rritje SHBA-Serbi për energjinë dhe çështje të tjera ekonomike. Ai do të ofrojë mbështetje për integrimin e Serbisë në institucionet evropiane, normalizimin e marrëdhënieve të Serbisë me Kosovën, forcimin e sundimit të ligjit dhe bashkëpunimin më të ngushtë dypalësh për çështjet ushtarake dhe të sigurisë.

Ai gjithashtu do të riafirmojë përkushtimin e Shteteve të Bashkuara ndaj vendeve të Ballkanit Perëndimor teksa ato ndjekin integrimin euroatlantik dhe bashkëpunimin më të thellë rajonal, përfundon deklarata.





Lajmet e fundit nga