web counter
LEXO PA REKLAMA!

SHKARKO APP

App Store
Google Play

E fundit!

x

Refuzimi i kandidatit Simon Miraka/ Reagon grupi Basha-Alibeaj

30 Maj 2022, 14:24, Politikë CNA
Refuzimi i kandidatit Simon Miraka/ Reagon grupi Basha-Alibeaj
Lulzim Basha dhe Enkelejd Alibeaj

Grupi Basha-Alibeaj, përmes një reagimi në rrjetet sociale shkruan se asnjë nga deputetët në Komisionin e Ligjeve nuk ka kundërshtuar kandidatin Simon Miraka për anëtar të Autoritetit për të Drejtën e Informimit mbi Dokumentet e ish-Sigurimit të Shtetit, por faktin se ishte një propozim i kryetarit të PD-së, Sali Berisha.

“Reagim i Grupit Parlamentar të PD-së dhe një sqarim i detyruar për gënjeshtrën e prodhuar nga pakti Rama-Berisha për Autoritetin e Dosjeve.

Asnjë nga deputetët e PD në Komisionin e Ligjeve nuk ka kundërshtuar kandidatin Simon Miraka, por kanë kundërshruar faktin që ai ishte propozim i Sali Berishës dhe ishte i vetmi që çuditërisht u përzgjodh me votat e Edi Ramës. Në këtë rast është vënë në dukje standarti i dyfishtë i Partisë Socialiste.

Revolta jonë ishte shprehje e faktit se me vota të deputetëve të PS u refuzuan pa asnjë shkak përfaqësues të denjë të të përndjekurve politik Marçel Hila, Skënder Vrioni, Gjergj Marku dhe Besim Ndregjoni, të cilët ishin propozuar nga shoqatat e të përndjekurve politik dhe që u votuan nga deputetët e PD në Komisionin e Ligjeve”, thuhet në postim.





Lajmet e fundit nga