web counter
LEXO PA REKLAMA!

SHKARKO APP

App Store
Google Play

Astrit Patozi, mesazh ngushëllimi/ Si do ta kujtoj Bujar Nishanin

28 Maj 2022, 17:56, Politikë CNA
Astrit Patozi, mesazh ngushëllimi/ Si do ta kujtoj Bujar Nishanin
Ish-koordinatori i Bindjes Demokratike, Astrit Patozi

Ish-koordinatori i Bindjes Demokratike, Astrit Patozi, ka dhënë një mesazh ngushëllimi për ndarjen nga jeta të ish-Presidentit Bujar Nishani.

Patozi ka shprehur fjalë të ndjera për Nishanin, teksa thotë se do ta kujtojë më shumë si shokun e parë të bankës në Parlament.

“Si do ta kujtoj Bujar Nishanin

Bujar Nishanin do ta kujtoj më shumë si shokun e parë të bankës në Parlament, ku u ulëm njëkohësisht pas fitores së zgjedhjeve të vitit 2005.

Kemi ndarë bashkë pothuajse çdo ngjarje të rëndësishme politike të mazhorancës parlamentare të asaj kohe, që më sjellin ndërmend sidomos sensin e detyrës dhe përkushtimin e tij absolut.

Më pas rrugët tona "u ndanë" për shkak të karrierës në ngjitje të Bujarit, që kulmoi me zgjedhjen e tij si President i Republikës.

Sot që mora vesh lajmin e hidhur të ndarjes së parakohshme nga jeta të Presidentit Nishani mendova për herë të parë se vlera më e veçantë e tij qëndron tek mosndryshimi i personalitetit, për shkak të posteve të larta që ka mbajtur, veti që nuk para haset në viset tona arbërore.

U prehtë në paqe!”, shkruan ai në rrjetet sociale./ CNA.al





Lajmet e fundit nga