web counter
LEXO PA REKLAMA!

SHKARKO APP

Reforma Zgjedhore/ Meta ngre gishtin ndaj mazhorancës: Po e bllokon qëllimisht

23 Janar 2024, 13:49, Politikë CNA
Reforma Zgjedhore/ Meta ngre gishtin ndaj mazhorancës: Po e bllokon
Ilir Meta

Kreu i Parisë së Lirisë, Ilir Meta, u shpreh në një deklaratë për mediat se deri më tani nuk është bërë asnjë përparim për Reformën Zgjedhore për miratimin e ndonjë teksti dhe në adresimin e rekomandimeve të pazgjidhura të OSBE/ODIHR dhe Komisionit të Venecias. 

"Është tepër serioze dhe kritike që pavarësisht krijimit të Komisionit Parlamentar 'Ad Hoc' për Reformën Zgjedhore në shkurt 2022, nuk është bërë asnjë përparim në miratimin e ndonjë teksti dhe në adresimin e rekomandimeve të pazgjidhura të OSBE/ODIHR dhe Komisionit të Venecias, i bashkohem thirrjes për përfshirjen e fortë të Parlamentit për të nxitur angazhimin real të opozitës në këtë proces, për të garantuar përfaqësimin e plotë dhe gjithëpërfshirjen në Reformën Zgjedhore", u shpreh Meta. 

Ai shtoi se mazhoranca ka bllokuar qëllimisht veprimtarinë e këtij komisioni për realizimin e synimeve të saj politike dhe miratimit të njëanshëm të Reformës Zgjedhore në favor të saj.

"Dialogu politik konstruktiv dhe gjithëpërfshirës nga të gjitha palët në adresimin e plotë të kësaj çështjeje përpara zgjedhjeve të ardhshme të përgjithshme, për të forcuar kulturën parlamentare demokratike të Shqipërisë dhe për të mundësuar një proces të qetë zgjedhor, është shumë i rëndësishëm", tha Meta./CNA





Lajmet e fundit nga