web counter
LEXO PA REKLAMA!

SHKARKO APP

App Store
Google Play

Reagimi i Shoqatës së Gjyqtarëve për pagat/ Rama: Jeni parti politike?

4 Shkurt 2026, 08:39, Politikë CNA

Reagimi i Shoqatës së Gjyqtarëve për pagat/ Rama: Jeni parti

Kryeministri Edi Rama ka reaguar ditën e sotme lidhur me deklaratën e Shoqatës Kombëtare të Gjyqtarëve lidhur me çështjen e rritjes së pagave të gjyqtarëve.

Ndërsa e cilëson si një parti politike, Rama shprehet se gjuha e përdorur nga Shoqata e Gjyqtarëve ishte e papranueshme dhe e pajustifikueshme. Ai shprehet ndër të tjera se reagimet e tij vijnë në kuadër të shqetësimit publik lidhur më çështjen në fjalë, rritjen e pagave të gjyqtarëve.

"Është e papranueshme për t'iu imponuar Parlamentit dhe qeverisë përmes pushtetit gjyqësor dhe për t'i rritur pagat vetes gjyqtarëve me gjyq. Këtë shqetësim publik e kam shprehur në emër të një pale. Një pale me të drejtën për të mbrojtur interesin e vet, në këtë rast publik në gjykatë. Pra, në emër të pushtetit ekzekutiv. Është hera e dytë që ka një habi shoqëruar me një përpjekje për të mbyllur gojën, në fakt që unë flas në mbrojtje të një interesi për të cilën jemi palë në gjyq. Befas Shoqata e Gjyqtarëve shfaqet si një parti politike me një gjuhë të papranueshme dhe të pajustifikueshme për ata që përfaqësojnë pushtetin gjyqësor që arbitron dhe jo një arbitër që thotë bilbili është i imi, topi është i imi, penalltinë do ta gjuaj vetë dhe porta do të jetë pa portier.

Të gjithë e dinë se çfarë është një fushatë kur e udhëheq unë. Një uragan kur bëhet fjala për betejë politike. Ne nuk jemi në asnjë fushatë dhe as nuk kemi qëllim të bëjmë fushatë kundër gjykatësve. E gjithë kjo tymnajë populiste. Kush jeni ju që i jepni vetes të drejtën të bëni përcaktime të tilla? Jeni parti politike? Regjistrohuni si e tillë atëherë dhe nisni me etiketime dhe sharje e fyerje që nuk janë absolutisht të lidhura me argumentin. Doni t'i rrisni vetes pagat me 3 mijë euro në muaj me një vendim gjykate. Ku jeni këtu? Ajo që e bën më serioze këtë është se pagat tuaja janë më të lartat në rajon dhe janë të barabarta me ato të gjykatësve në një vend europian, sa në Greqi", tha Rama ndër të tjera./CNA





Lajmet e fundit nga