web counter
LEXO PA REKLAMA!

SHKARKO APP

App Store
Google Play

E fundit!

x

Topalli i kundërpërgjigjet Ballës: Ke takuar Lulzim Bashën fshehtas, jo mua

3 Shkurt 2026, 12:54, Politikë CNA

Topalli i kundërpërgjigjet Ballës: Ke takuar Lulzim Bashën

Deputetja Jozefina Topalli i është kundërpërgjigjur kreut të grupit të PS-së Taulant Balla, i cili u shpreh se ish-kryeparlamentarja ka bashkëpunuar me mazhorancën.

Topalli deklaroi se në 2021 ka krijuar një lëvizje pasi kuptoi se njeriu që qëndronte në krye të PD në atë kohë Lulzim Basha kontrollohej nga mazhoranca në çdo lëvizje.

Deputetja theksoi se nuk e ka takuar asnjëherë Ballën dhe se ky i fundit ka takuar Lulzim Bashën në mënyrë të fshehur.

“E para dua të them që për të pasur një seancë normale e vetmja mënyrë për ta realizuar është të zbatosh rregulloren. Unë në 2021 kam krijuar një lëvizje, isha nënkryetare e PD dhe vura re që ishte njeri që e kontrollin në çdo lëvizje. Nuk të kam takuar asnjëherë ke takuar Lulzim Bashën në mënyrë të fshehtë.

Prandaj merre me vete atë dhe mos ma drejto mua. Ka qenë i vështirë për mua por koha më ka dhënë të drejtë dhe jam më krenare se kurrë. Të thuash të vërtetën kur të tjerët thonë të kundërtën. Për zgjedhjet ke një raport të OSBE që si janë vjedhur fondet, si janë dhënë tenderë, toka, para por ka një frazë më të rëndë dhe thotë se në Shqipëri ndodh ajo që nuk ka vijë ndarëse mes pushtetit.  

Ta kam thënë dhe nëjherë. Në Bjellorusi zgjedhjet fitohen me 70%, Putin i fitin me 70% në Shqipëri Edi Rama i ka marrë me 90%”, tha Topalli./ CNA





Lajmet e fundit nga