web counter
LEXO PA REKLAMA!

SHKARKO APP

E fundit!

x

A do të vijojë PD me bojkotin e Komisionit të "Territoriales"?/ Përgjigjet Berisha

3 Shkurt 2026, 12:46, Politikë CNA

A do të vijojë PD me bojkotin e Komisionit të

Kryetari i PD-së, Sali Berisha, ka dhënë një deklaratë për mediat jashtë ambienteve të Kuvendit. Berisha tha për gazetarët se Parlamenti është mbledhur për të mbuluar krimet e kryera nga kryeministri Edi Rama.

“Sot Parlamenti përsëri mblidhet, diskuton gjithçka vetëm që të mbulojë krimin që ka kryer Edi Rama nëpërmjet tij. Kjo dëshmon se jemi në kushte në të cilat vetëm qytetarët mund t'i japin përgjigjen e merituar. Është 10 shkurti, dita e uraganit të fuqishëm të lirisë të shqiptarëve dhe përmbysjes së këtij regjimi që nuk ndjek asnjë ligj dhe as Kushtetutë. Me paqartësitë e së keqes banale të vendit. Sot Partia Demokratike, çdo qytetar shqiptar ka në agjendë luftën kundër grushtit të shtetit në mburojë të Ballukut dhe Ramës. Çdo veprim është i paralizuar kur mbrohen kriminelë”, tha Berisha.

I pyetur nëse PD do të vijojë me bojkotin në Komisionin e Reformës Territoriale, Berisha tha se opozita ka qenë dhe do të jetë në komision.

“Ne jemi në komision. Asnjë mbledhje nuk janë njoftuar anëtarët e opozitës. Janë manipulime të Edi Ramës. Jemi në komision. Kemi qenë dhe jemi në komision”, u shpreh ai. /CNA





Lajmet e fundit nga