web counter
LEXO PA REKLAMA!

SHKARKO APP

App Store
Google Play

E fundit!

x

Rama vijon justifikimet/ Nuk i ndahet dhe Kosovës, fajëson BE-në për negociatat

8 Qershor 2022, 14:04, Politikë CNA
Rama vijon justifikimet/ Nuk i ndahet dhe Kosovës, fajëson BE-në
Edi Rama

Kryeministri Edi Rama gjatë një deklarate për mediat nga Ohri, ku është mbajtur samiti “Open Balkan”, ka vijuar të justifikohet në lidhje me këtë nismë.

Duke iu përgjigjur kritikave për këtë nismë pas deklaratave të ministrit të Jashtëm Rus, Sergei Lavrov, Rama tha se nëse zotëria do të ishte mbështetësi i Ballkanit të Hapur, Ballkani i Hapur do të ishte i hapur për të. Sipas tij, ai nuk ka hyrë sepse Ballkani për të është i mbyllur.

“Të peshkohesh kaq kollaj nga sarkazma e një personazhi të mirënjohur botërisht për gjuhën e tij sarkastike dhe pastaj dhe nga manipulimi i kësaj sarkazme nga ata që i fryjnë zjarrit të dasisë, urrejtjes për interesa të politikës së ditës në katundet ballkanike është për të ardhur keq. Nëse zotëria do të ishte mbështetësi i Ballkanit të Hapur, Ballkani i Hapur do të ishte i hapur për të. Ai nuk ka hyrë sepse Ballkani për të është i mbyllur dhe për këtë arsye ai nuk ka mundur të hyjë në Ballkan”, deklaroi Rama.

Po ashtu, Rama sërish ka shigjetuar autoritetet e Kosovës, ndërsa theksoi se ftesa është e hapur, por ata duan ta lënë bosh vendin e tyre.

“Kosova është sovrane, dhe i merr vetë vendimet e saj.

Vendi i saj është aty, askush nuk e zëvendëson. Askush nuk e mbush atë vend nëse nuk është vetë Kosova. Ftesa është e hapur, por respektoj vendimin e autoriteteve të Kosovës për të lënë vendin bosh. E reskeptoj”, -tha Rama.

Ndërsa duke u ndalur te çështja e hapjes së negociatave, Rama sërish fajësoi BE-në.

“Unë skam asnjë akuzë për BE-në, përkundrazi jam një europian i përkushtuar dhe i vendosur si me BE-në, si pa BE-në, për sa kohë BE-ja është projekti më i bukur dhe më i guximshëm që mendja politike ka zhvilluar, është dhe destinacioni ynë.

Nuk është akuzë, është fakt që BE-ja na ka zvarritur, jep fjalën dhe nuk e mban”, -deklaroi Rama.

Më tej, Rama iu përgjigj edhe akuzave sipas të cilave “Ballkanii Hapur”, është projekt I Rusisë.

“Të thuash se Ballkani i Hapur është projekt i Rusisë, është njëlloj si të thuash se Bashkimi Europian, është Jugosllavia e re”.-u shpreh Rama.

/CNA.al





Lajmet e fundit nga