web counter
LEXO PA REKLAMA!

SHKARKO APP

App Store
Google Play

Rama, sot dëgjesë publike me bashkëpunëtorin e grupit të strukturuar kriminal të inceneratorëve

26 Shkurt 2025, 08:14, Politikë CNA

Rama, sot dëgjesë publike me bashkëpunëtorin e grupit

Sot kryeministri Edi Rama, në mbledhjen e grupit parlamentar të PS-së që do të mbahet në orën 09:00, do të zhvillojë dëgjesë publike me rektorin e UBT-së, Fatbardh Sallaku, i cili ka bashkëpunuar me grupin e strukturuar kriminal të inceneratorëve, pasi në vitin 2021 ka firmosur marrëveshje me kompaninë e incenertatorëve "Integrated Energy".

Sipas Ramës, GJKKO ka dhënë masa sigurie pa gjyq për pedagogët dhe zyrtarët e UBT-së, të cilët dyshohen për shpërdorim detyre dhe abuzim me tenderët.

Por ashtu siç denoncuam një ditë më parë, Fatbardh Sallaku nënshkroi një marrëveshje me kompaninë e inceneratorit fantazmë të Tiranës, “Integrated Energy”. Sallaku rezulton sipas raportimeve të bëra në kohën e marrëveshjes se ka marrë para nga kompania e inceneratorëve.

Madje sipas rektorit kompania kishte bërë një menaxhim korrekt të mbetjeve. Pra, Fatbardh Sallaku është bashkëpunëtori i grupit të strukturuar kriminal në arrati dhe të shpallur në kërkim nga drejtësia.

Për më tej CNA denoncoi dhe një tjetër skandal me rektorin e UBT-së, i cili ishte i trepunësuar dhe punonte si ekonomist për një firmë, të cilën më pas e kishte bekuar me fonde përmes UBT-së.

Sot do të mësojmë se ç’punë ka një rektor universiteti në mbledhjen e grupit parlamentar të PS-së./ CNA





Lajmet e fundit nga