web counter
LEXO PA REKLAMA!

SHKARKO APP

App Store
Google Play

Kërcënon sërish SPAK-un/Rama: Nëse do donim ta shkrinim, mjaftonte një fishkëllimë “bufit”

25 Shkurt 2025, 18:28, Politikë CNA

Kërcënon sërish SPAK-un/Rama: Nëse do donim ta shkrinim,

Kryeministri Edi Rama në një takim me asambletë socialiste në Tiranë është ndalur te SPAK. Rama ka thënë se shkrirja e SPAK-ut nuk do të ndodhë, jo se nuk e lë Amerika po sepse ka qenë mazhoranca ajo që e ka sjellë në Shqipëri.

Më tej kryeministri ka vijuar kërcënimet ndaj Prokurorisë së Posaçme. Rama tha se nëse do të donin ta shkrinin mjaftonte një fishkëllimë “bufit”, referuar kreut të PD, Sali Berisha.

“Kush e mban SPAK tani meqë e kishte sjellë Amerika? E keni dëgjuar bufin e kënetës që thotë do ta shkri? Nëse do donim të shkrinim SPAK, një fishkëllimë bufit dhe e di si vinte me ato flokët që duhet sikur sa ka zbritur nga motori. Me zhaba me zhapiqe, me gjithë zinxhirin vinte për të shkrirë SPAK-un.

Por pse nuk ndodh kjo? Jo se s’na lë Amerika, por se e kemi sjellë ne. Ata kanë disa kusure, ato të mëdhajat fare që i dimë ne. Unë ua kam thënë, ato nuk harrohen. Bufi ka thënë që do ta shkrijë. Pakthyeshmërinë e reformës në drejtësi e garanton PS dhe e blindon anëtarësimi në BE”, deklaroi Rama./ CNA





Lajmet e fundit nga