web counter
LEXO PA REKLAMA!

SHKARKO APP

App Store
Google Play

Rama prezanton aplikacionin TEA/ "Mund të informoheni mbi vendndodhjen e aktiviteteve të ndryshme"

23 Qershor 2023, 20:11, Politikë CNA

Rama prezanton aplikacionin TEA/ "Mund të informoheni mbi vendndodhjen

Agjencia Kombëtare e Turizmit prezantoi Kalendarin Kombëtar Turistik dhe aplikacionin “Tourism Events of Albania”.

Në fjalën e tij, kryeministri Edi Rama tha se aplikacioni u jep informacione qytetarëve se si të aksesojnë aktivitetet kulturore.

Sipas tij, çdokush do ketë mundësi të informohet mbi vendndodhjen e aktiviteteve të ndryshme në vend.

Rama deklaroi se “Tourism Events of Albania” vihet në dispozicion të kujtdo, nëpërmjet ndërveprimit me të gjitha institucionet".

“Sot mund të themi që kemi një kalendar kulturor dhe artistik të gjithë Shqipërisë turistike i cili është i aksesueshëm nga kushdo përmes një aplikacioni të thjeshtë informues me shumë shije.  Është një punë e filluar prej vitesh, sot është në një fazë të re por në zhvillim të vazhdueshëm sepse ne besojmë shumë që Shqipëria turistike është përtej ujërave të mrekullueshëm të detit, përtej majave magjike të maleve, përtej luginave dhe bukurive natyrore në tërësi. Arsyet për ta vizituar Shqipërinë turistike janë shumë më tepër sesa kaq. Bashkimi i trashëgimisë kulturore, i artit, i gatimit dhe aktiviteteve tradicionale, janë një mundësi e jashtëzakonshme për të rritur kapacitetin që Shqipëria ka në thithjen e turistëve nga e gjithë bota.

Ky kalendar i jep mundësi kujtdo që përmes aplikacionit të jetë i informuar në kohë reale sipas vendndosdhjes për çdo mundësi që ka në një periumetër të caktuar për të aksesuar muzeume, site arkeologjike, koncerte, teatër, performanca, festa të ndryshme dhe kështu me radhë. Nga ana tjetër, ne po punojmë për prekjen fizike në territor të një Shqipërie turistike që shfaqet duke zhvilluar për herë të parë një program të ri për artin në hapësirën publike, gjë që është ende në embrion, por kam shumë besim se hap pas hapi, do të jetë një vlerë e shtuar në ofertën tonë.

Nga ana tjetër, ky aplikacion, është pasqyrë e një pune që zhvillohet në të gjithë territorin e Shqipërisë, vihet në dispozicion të kujdo, përmes ndërveprimit të të gjitha institucioneve”, theksoi kreu i qeverisë./ CNA.al





Lajmet e fundit nga