web counter
LEXO PA REKLAMA!

SHKARKO APP

App Store
Google Play

E fundit!

x

Rama pranon dështimin e inceneratorëve?!/ Na duhet një Korporatë Kombëtare

11 Korrik 2025, 11:49, Politikë CNA

Rama pranon dështimin e inceneratorëve?!/ Na duhet një

Kryeministri Edi Rama, në mbledhjen me krerët e bashkive në Durrës, ka renditur të gjitha problematikat, duke nisur nga bashkitë, policia bashkiake, uji, ndërtimet pa leje, zaptimi i hapësirave publike, kantieret e ndërtimeve, zjarret etj., duke shprehur hapur kritikat për keqmenaxhimin nga ana e bashkive dhe strukturave në varësi të tyre.

Ndër të tjera, kryeministri duket se pranoi edhe dështimin e inceneratorëve.

Ai u shpreh se bazuar nga mësimet e nxjerra për problematikat e mbetjeve në tri bashki, duhet krijuar një Korporatë Kombëtare që të merret me sistemin e trajtimit të mbetjeve.  

"Bazuar në mësimet me atë që ndodhi me mbetjet në tri bashki ku përtej gjithë benefiteve, pasi problematika të lidhura me gjithëfarlloj arsyesh na duhet një Korporatë Kombëtare që të merret me pjesën e gjithë sistemit të trajtimit të mbetjeve", tha Rama.

Me këtë deklaratë, Rama pranon se inceneratorët janë një dështim, pasi duhet të merreshin me trajtimin e mbetjeve, ndërsa sot shprehet se duhet një Korporatë Kombëtare që të merret me të gjithë sistemin e trajtimit të mbetjeve.

Pasi, ashtu siç dihet tashmë, në Elbasan kemi një kazan me naftë që duhen miliona euro që të ndizet, në Fier kemi një incenerator që nuk funksionon dhe nuk ka përfunduar, ndërsa në Tiranë kemi vetëm një mal me plehra, pasi inceneratori për të cilin shqiptarët, qeveria dhe bizneset kanë paguar qindra miliona euro, thjesht nuk ekziston.

Dhe, ashtu siç e kemi theksuar, Tirana ndodhet pranë një katastrofe mjedisore për shkak të malit të plehrave./ CNA





Lajmet e fundit nga