web counter
LEXO PA REKLAMA!

SHKARKO APP

App Store
Google Play

E fundit!

x

Rama paralajmëron: Jo më depozita uji mbi pallate, plan masash për të ndaluar abuzimet

3 Shtator 2025, 12:00, Politikë CNA

Rama paralajmëron: Jo më depozita uji mbi pallate, plan masash

Kryeministri Edi Rama ka paralajmëruar këtë të mërkurë se me nismën e re për krijimin e Operatorit të Ujit, do të vihen në zbatim rregulla të reja për ujin e pijshëm.

Në fjalën e tij gjatë prezantimit, Rama tha se nuk do të lejohet më vendosja dhe mbajtja e depozitave të ujit mbi pallate.

Rama tha se shumë shpejt do të vihet në zbatim edhe një plan masash për të ndaluar abuzuesit dhe shpërdoruesit e ujit, qofshin qytetarë apo biznese.

“Uji në qiell është diçka tjetër dhe në rubinet është diçka tjetër sepse kur hyn në sistem, kthehet nga një prodhim i natyrës në një prodhim të njeriut. Është një mall që grumbullohet, shitet dhe blihet, mall jetik dhe prodhimi i ujit kërkon operim kombëtar.

Për këtë arsye nisim këtë fazë të dytë të reformës. Faza e parë, janë lidhur në rrjet 100 mijë përdorues të rinj dhe janë prerë një numër i konsiderueshëm lidhjesh të paligjshme. Sa i përket reformës jemi shumë të qartë se ç'do të bëjmë nga prodhimi, te shpërndarja dhe furnizimi njëlloj si me energjinë.

Nga ana tjetër siç kemi bërë me enegjinë do të ndërhyjmë me plan masash për të ndaluar abuzimet.
Nuk janë qytetarët që abuzojnë, ka abuzues për qëllime fitimi, abuzues lavazhesh nëpër lagje, abuzues me ujë që derdhet në rrugët kombëtare, abuzues me lidhje të paligjshme nën tokë, të cilat do të jenë target i planit të masave.

Koha të vijojmë me planin e heqjes së depozitave që janë kthyer në pesha të jashtëzakonshme mbi pallate të ndërtuara kohë më parë e mund të kthehen në burim katastrofash. Heqja e depozitave, duhet t’ua shpjegojmë njerëzve që përmirëson furnizimin”,-tha Rama./CNA





Lajmet e fundit nga