web counter
LEXO PA REKLAMA!

SHKARKO APP

App Store
Google Play

E fundit!

x

Rama, nga sheshi "Skënderbej": Bëhuni gati për Giro d’Italia dhe Samitin e Europës në Tiranë

7 Maj 2025, 12:59, Politikë CNA

Rama, nga sheshi "Skënderbej": Bëhuni gati për Giro

Kryeministri Edi Rama, nëpërmjet një video-postimi të shkurtër në rrjetin social ‘Facebook’, ndau me ndjekësit disa nga parapërgatitjet për dy ngjarjet e rëndësishme që do të ndodhin në Tiranë.

Në video, Rama shfaqet në sheshin kryesor në kryeqytet, sheshin ‘Skënderbej’, nga ku shprehet se po përfundojnë përgatitjet e mëdha të Giro D’Italia.

Nga ana tjetër, po kryhen përgatitje për Samitin e Europës që do të mbahet më 16 maj.

Rama tha se vetëm për këtë event politik, do të vijnë në vend 200 televizione nga mbarë bota.

“Ja, këtu në sheshin 'Skënderbej', ku nga njëra anë po përgatitemi për të mikpritur të gjithë Europën më 16 maj, por ndërkohë po përfundojmë përgatitjen e madhe të Giro D’Italia (La grande partenza) të Xhiros së Italisë pas 48 orësh. Një event fantastik për 200 televizione në mbarë botën, që do të shfaqë Shqipërinë, 'Europën' e Ballkanit. Dhe jam shumë i lumtur që në 3 ditë me radhë Shqipëria do të tregojë të gjithë shkëlqimin e vetë në sytë e mbarë botës. Dhe nga ana tjetër, shqiptarët e të gjitha moshave, po sidomos fëmijët, do shijojnë xhiron legjendare të Italisë, këtu në tokën tonë”,- tha Rama.





Lajmet e fundit nga