web counter
LEXO PA REKLAMA!

SHKARKO APP

App Store
Google Play

Rama “merr” mesazhin e Bashës/ “PD është bërë si ato mallrat që ta kthen pika e grumbullimit”

5 Nëntor 2022, 10:43, Politikë CNA

Rama “merr” mesazhin e Bashës/ “PD është

Gjatë fushatës në Lushnje, kryeministri Edi Rama, një ditë pas mesazhit të Lulzim Bashës , ka ironizuar zhvillimet në PD

Sipas Ramës PD është bërë si ato mallrat që ta kthen pika e grumbullimit

“Zhvillimi i pikave të grumbullimit në Lushnjë, ka bashkuar totalisht PS me PD. S’mund të vijë politika të bëjë punët këtu. Të futen mollët në sherrin politik. Më vjen mirë që të gjithë grumbulluesit, edhe ata të PD po ia marrin PS dhe qeverisë së saj produktin. Perfekt. Aq më tepër sot kur kuptohet se PD është bërë si ato mallrat që ta kthen pika e grumbullimit”, u shpreh ai.

Kujtojmë se së fundmi, Lulzim Basha, me anë të mesazhi të orëve të vona të së enjtes, duke iu referuar deklaratës së Ramës në një emision televiziv, shkruante SHBA-ja nuk i ka asnjë borxh Shqipërisë, përkundrazi Shqipëria nuk do të arrijë t’i lajë dot kurrë borxhet që ka ndaj SHBA-së.

“Aleatët tanë strategjikë, SHBA-ja, nuk kanë asnjë borxh ndaj nesh, ndërsa ne nuk lajmë dot kurrë borxhin ndaj tyre për Shqipërinë e pavarur, të çliruar nga komunizmi dhe në NATO, për çlirimin dhe pavarësinë e Kosovës dhe për të drejtat e shqiptarëve në RMV e kudo. Shteti i së drejtës me barazi para ligjit për të gjithë, demokracia funksionale dhe media e lirë, konkurrenca e ndershme dhe liria e tregut, lufta kundër korrupsionit dhe krimit të organizuar janë standardet ende të paplotësuara të partneritetit dhe aleancës strategjike mes”, shkruantë Basha, mbrëmjen e të enjtes në rrjet sociale, pas intervistës televizive të Ramës.

Një komunikim ky në distancë mes dy firmëtarëve të marrëveshjes së 17 majit, si pasojë e së cilës PD mbeti në opozitë, aty ku është edhe sot./CNA.al





Lajmet e fundit nga