web counter
LEXO PA REKLAMA!

SHKARKO APP

App Store
Google Play

Kandidat në primaret e PD-së/ Këlliçi: Ja çfarë do t’i ofroj Tiranës

4 Nëntor 2022, 21:36, Politikë CNA
Kandidat në primaret e PD-së/ Këlliçi: Ja
Belind Këlliçi, kandidati i primareve të PD-së për bashkinë e Tiranës

Belind Këlliçi, kandidati i primareve të PD-së për Bashkinë e Tiranës ka treguar mbrëmjen e sotme se çfarë do t’u ofrojë banorëve të kryeqytetit nëse del fitues në zgjedhjet e 14 majit.

Këlliçi tha në emisionin “Çim Peka Live” se do të ofrojë një model që është i pashantazhueshëm dhe i pakapshëm nga asnjë instrument financiar.

“I ofroj një model ndryshe. Një model bazuar mbi integritetin tim, si një politikan i ri çdo arritje e kam në gara elektorale përmes votës së lirë. Kam shijuar edhe fitoren edhe humbjen. Model që është i pashantazhueshëm, i pakapshëm nga asnjë instrument financiar, qoftë i dyshimtë apo i ndershëm. Një i ri 35 vjeç gjykoj se duhet të jap shembullin tim personal dhe nuk mund të qëndroja më dëshmitar okular i shkatërrimit të qytetit tim.

Kam vendosur të jetoj në Tiranë dhe betejën ta bëj ditë për ditë. Si një i ri dua të jap shembullin edhe për të rinjtë. Tirana është sot i vetmi kryeqytet i Europës, i cili të vetmen qendër rinore e shembi para pak kohësh, për të ndërtuar aty pallat. Me kartën e studentit nuk blen asgjë, vetëm një bluzë me ulje çmimi”, theksoi ai./ B.A. – CNA.al





Lajmet e fundit nga