web counter
LEXO PA REKLAMA!

SHKARKO APP

App Store
Google Play

E fundit!

x

Rama, me tone të ashpra: Zjarrvënien do të duhet ta barazojmë me vrasjen në Kodin Penal

11 Gusht 2025, 11:01, Politikë CNA
Rama, me tone të ashpra: Zjarrvënien do të duhet ta
Kryeministri Edi Rama

Kryeministri Edi Rama ka reaguar me tone të ashpra ndaj raportimit të rasteve të zjarrvënieve të qëllimshme.

Përmes një postimi në rrjetet sociale, Rama ka theksuar se të ndezësh një zjarr me qëllim, nuk është vetëm krim, por është tradhti ndaj tokës sonë dhe të ardhmes së fëmijëve tanë.

Numri një i qeverisë nënvizon se në këtë kohë të vështirë ngrohjeje globale dhe flakësh që po sfidojnë të gjitha shtetet e Mesdheut sidomos, zjarrvënien, do të duhet ta barazojmë me vrasjen në Kodin Penal.

“Të ndezësh një zjarr me qëllim, nuk është vetëm krim, por është tradhti ndaj tokës sonë dhe të ardhmes së fëmijëve tanë.

Ja dhe pamjet e një zjarrvënieje të qëllimshme të evidentuar sot nga dronët e Forcës Ajrore.

Policia e Shtetit është në terren për të çuar përpara drejtësisë këdo që luan me flakët mbi pasurinë e përbashkët

Ndërkohë, në këtë kohë të vështirë ngrohjeje globale dhe flakësh që po sfidojnë të gjitha shtetet e Mesdheut sidomos, zjarrvënien do të duhet ta barazojmë me vrasjen në Kodin Penal”, shkruan Rama./ CNA





Lajmet e fundit nga