Pse Ervin Salianji është Sali Salianji

1 Qershor 2026, 16:54, Politikë CNA

Ervin Salianji

Ervin Salianji është një nga personazhet (nëse mund ta quajmë të tillë) të cilin ata 5 veta që e ndjekin e njohin filllimisht si ish-deputeti i video-skandalit erotik, më pas si Babalja, pastaj si njeriu që u doli demokratëve me dru në selinë blu, si palaçoja politik i PD dhe së fundi Sali Salianji.

Këtë të fundit ia tha njëri prej atyre demokratëve të inatosur në takimin e tij me 50 veta në Tiranë.

“Tashmë ftoj mikun e juaj, mikun tonë, mikun e demokratëve, mikun e gjithë shqiptarëve zotin Sali Salinaji”, tha Ardian Isufi duke iu drejtuar "Babales".

Shumëkush mund të mendojë se është thjesht në kuadrin e një gafe apo një meme lëvizëse në rrjetet sociale, por jo.

Sot po sjellim disa materiale, që janë fakte pse Ervin Salianji është "Sali Salianji".

Babalja ose tashmë siç njihet me emrin e ri “Sali Salianji” mbetet një nga palaçot politik që ndryshon lëkurën çdo ditë.

E kemi parë kundër Berishës dhe pro Bashës, kundër Bashës dhe pro Berishës, pro Ramës dhe kundër Berishës dhe Bashës.

“Babalja” për interesat e tij dhe për një copë karrige nuk e ka aspak problem të ndryshojë lëkurë, që të vijë e të shkojë, te Berisha, Basha, Rama etj.

Salianji, gjatë periudhës kur Sali Berisha u rikthye fuqishëm me Foltoret, nëpër televizione poshtë e lart sulmonte demokratët, sulmonte Berishën, e quante “non grata”, e quante falsifikator, bashkëpunëtor të Ramës.

Pas dështimit dhe humbjes së Luli Bashës dhe pas rikthimit të Berishës, ndryshoi lëkurën dhe doli krah Berishës.

Por, Babalja e ndryshoi anën sërish pasi përfundoi në burg ku u dënua për kallëzim të rremë për dosjen Babalja.

Pasi doli nga qelitë e burgut të Fierit, ku kaloi një kohë të gjatë dhe bashkëpunoi ngushtë me ish-drejtorët e dosjes “5D” dhe me emra të botës së krimit, që janë mbështetës të Partisë Socialiste, doli në betejë të hapur kundër Partisë Demokratike.

Ervin Salianji ka mbetur thjesht dhe vetëm një ushtar i vogël i Lulzim Bashës i cili po vazhdon misionin e ish-kryetarit që për interesat e tij dhe karrigen nuk e ka problem t’i lëpihet herë Bashës, herë Berishës e herë Ramës.

Në emisione të ndryshme apo në dalje publike e ka deklaruar se Berisha është lider i opozitës duke u shprehur bindshëm se pa votat e tij nuk e mund dot Ramën.

Këto janë faktet se pse Ervin Salianjin me të drejtë e quajnë Sali Salianji.

Ja çfarë thoshte Ervin Salianji ose Sali Salianji në Opinion 6 shtator 2023.

Ja një tjetër fakt pse Ervin Salianji është Sali Salianji (Deklarata në Syri tv në 4 janar 2024)

Këtu e quante lider të opozitës Sali Berishën dhe sumonte drejtësinë pse e kishte lënë në “arrest shtëpie” Sali Berishën (deklarata më 31 dhjetor 2023)