web counter
LEXO PA REKLAMA!

SHKARKO APP

App Store
Google Play

E fundit!

x

Projektligji për mbrojtjen nga diskriminimi/ Balla: Të bëhen shtesa të reja, duhet më shumë veprim ligjor

10 Dhjetor 2025, 11:39, Politikë CNA

Projektligji për mbrojtjen nga diskriminimi/ Balla: Të bëhen

Këtë të mërkurë në Komisionin për Çështjet Ligjore dhe Administratën Publike po vijon shqyrtimi i projektligjit “Për disa shtesa dhe ndryshime në ligjin 'Për mbrojtjen nga diskriminimi'”.

I pranishëm në seancë, deputeti dhe kreu i Grupit Parlamentar të PS-së, Taulant Balla, u ndal te roli dhe rëndësia e shtesave në këtë ligj, bazuar në nevojat e kohës që vijnë e rriten.

Sipas Ballës, me kalimin e viteve janë shtuar llojet e diskriminimit, të nxitura edhe nga teknologjia, teksa u shpreh se për parandalimin dhe trajtimin e diskriminimit është me shumë rëndësi edhe veprimi ligjor.

“Është rastesi që vij këtu sot në një ditë të shënuar sikurse është 10 Dhjetori, Dita Ndërkombëtare e të Drejtave të Njeriut. Nuk ka ditë më të shënuar për ata që duhen mbrojtur dhe që janë moralisht të papranueshëm. Këto lidhen me gjininë, racën, etninë, minoritetin, fenë, por edhe moshën, statusin ekonomik dhe çdo status. E bëj këtë parashtrim sepse diskiminimi ndodh kur dikush trajtohet në mënyrë tjetër se është ndryshe. Barazia nuk është fakt biologjik, por edhe vendim ligjor e politik. Prandaj kam ardhur, për të çuar përmirësime për synimin e përbashkët për çdo lloj forme diskriminimi. Prej vitit 2010, kur u iniciua ky ligj, jam munduar të jap çdo lloj kontributi në raport me shoqërinë. Sa më shumë ecën përpara koha, aq më shumë rriten hapësirat e diskriminimit. Mendoj se e kemi forcuar aq sa ka qenë e mundur, atë që e quaj ‘arkitektura ligjore’ e ligjit. Ndryshimet kishin të bënin kryesisht me format e reja të diskriminimit, edhe prej teknologjisë. Beteja e madhe është gjuha e urrejtjes, diskriminimi i shumëfishtë dhe ndërsektorial, dhe forma të tjera më të rënda, kur përsëritet në mënyrë të vazhdueshme. Në vitin 2020 u rrit numri i çështjeve ligjore që lidhen me diskriminimin. U përfshi edhe diskriminimi nga shtetësia, si formë e re, veçanërisht për të huajt që kërkojnë rezidencë. Diskriminimi nuk përkon me vlerat e familjes europiane ku duam të anëtarësohemi”,-tha Balla./CNA

 





Lajmet e fundit nga