web counter
LEXO PA REKLAMA!

SHKARKO APP

App Store
Google Play

E fundit!

x

PD-ja “vë me shpatulla pas muri” Qeverinë/ Si e privatizoi landfillin e Sharrës për projektin fantazmë

20 Gusht 2022, 11:34, Politikë CNA
PD-ja “vë me shpatulla pas muri” Qeverinë/ Si e privatizoi
Selia e PD-së

Partia Demokratike ka shtruar sërish pyetje ditën e sotme për inceneratorët.

Në një deklaratë për mediat, anëtari i Këshillit Kombëtar të PD-së, Akil Kraja, u ndal te landfilli i Sharrës, për të cilin tha se ka qenë në pronësi të shtetit me mbi 60% të tij.

Duke iu referuar studimit të fizibilitetit të Ministrisë së Mjedisit, Kraja u shpreh se gati 39% e tokës, ku parashikohej të shtrihej koncesioni i inceneratorit, ishte në pronësi private. 

Ai theksoi se shteti shqiptar i doli garant kompanisë së Zotos duke shtetëzuar me paratë e qytetarëve, edhe pjesën e truallit që ishte private, duke e bërë truall 100% publik në funskion të një projekti fantazmë.

Deklarata e plotë e Akil Krajës:

Prej javësh denoncojmë çdo ditë, me fakte dhe prova, vjedhjet miliona euroshe nga inceneratorët e Tiranës, Elbasanit dhe Fierit. 

Për nga vlerat e abuzuara, janë në lojë mbi 430 milion euro; për nga individët e përfshirë, Kryetarë Bashkish, Ministra e vetë Kryeministri; për nga skemat e përdorura, kompani guacë brenda dhe jashtë vendit në pronësi njerëzish të vdekur apo në azil; gjithçka në këtë skandal përbën një mega-aferë.

Një mega aferë tejet komplekse dhe që dëshmon se hajdutët në fakt janë vetë qeveritarët. 

Sot do të ndalemi tek Landfilli i Sharrës në Tiranë pasi mega-skandali nuk prek vetëm inceneratorët por të gjithë zinxhirin e menaxhimit të mbetjeve. 

Flasim gjithmonë për të njëjtën kompani “Integrated Energy B.V.” e cila nuk paguhet vetëm për të djegur plehrat që nuk digjen askund. 

Më konkretisht, Landfilli i Sharrës ku do të ndërtohej projekti imagjinar i inceneratorit ka qenë në pronësi të shtetit me mbi 60% të tij. Sipas studimit të fizibilitetit të Ministrisë së Mjedisit, gati 39% e tokës ku parashikohej të shtrihej koncesioni i inceneratorit ishte në pronësi private. 

Çfarë ndodh: shteti shqiptar i del garant kompanisë së Zotos duke shtetëzuar me paratë e qytetarëve, dhe pjesën e truallit që ishte private.  

Çka do të thotë që i gjithë projekti fantazmë do të ndërtohej mbi një truall 100% publik.

Nga ku pesë pyetjet e rradhës:

1. Sa është vlera në miliona euro, që shteti shqiptar, ka kompensuar deri më sot në emër të Integrated Energy pronarët privatë të truallit në Sharrë? 

2. Sa është numri i gjyqeve që shteti shqiptar ka më pronarë të truallit që kërkojnë një kompensim më të lartë, dhe sa është parashikimi i detyrimeve totale në fund të këtyre gjyqeve?

3. A mund të jetë ky truall publik, prej 15 hektarësh, objekt sekuestrimi nga bankat kreditore të Klodian Zotos për kreditë e mos-kthyera nga ai, dhe sa shkon humbja në total për shtetin shqiptar?  

4. Sa është fitimi në miliona euro, që e njëjta kompani fantazëm ka nxjerrë nga faturimi i depozitimit inerteve të ndërtimit në këtë truall publik? 

5. Përse Bashkia Tiranë vijon ta lejojë këtë kompani fantazmë, një nga administratorët e të cilës është objekt hetimi dhe kërkimi ndërkombëtar, të vjelë miliona euro fitime nga përdorimi i një trualli publik si Landfilli i Sharrës ? 

Përgjigjja është vetëm një. Sepse këto janë punë plehrash, punë hajdutësh, punë fantazëm për një mega-aferë qindra milionëshe./ B.A. - CNA.al





Lajmet e fundit nga