E fundit!

08:41 Aktualitet

Zvarrit pafundësisht proceset gjyqësore/ Sot, seanca e radhës e Veliajt në GJKKO

Sot do të mbahet seanca e radhës në Gjykatën e Posaçme kun...

Rritja e borxhit publik, alarmante/ Meta: Papërgjegjshmëria e qeverisë po çon drejt kolapsit ekonomik

19 Gusht 2022, 14:01, Politikë CNA

Rritja e borxhit publik, alarmante/ Meta: Papërgjegjshmëria e

Ilir Meta

Kreu i Partisë së Lirisë, Ilir Meta, ka dalë sot në një konferencë shtypi për situatën ekonomike dhe sociale të vendit, për të cilën tha se po vjen duke u përkeqësuar nga papërgjegjshmëria e qeverisë për ta menaxhuar situatën.

“Kemi paralajmëruar prej kohësh se papërgjegjshmëria e menaxhimit të Borxhit Publik po çon drejt një kolapsi të plotë të të gjithë situatës ekonomike e sociale në vendin tonë.

Borxhi Publik, që ende është i paqartë sa i përket një kontabilizimi të plotë dhe të qartë të tij për shkak të mungesës së transparencës së Qeverisë, tashmë rrezikohet edhe nga faktorë të rinj si rritja e normës së interesave dhe rifinancimi.

Vetë Banka Kombëtare është angazhuar në rritjen e normave të interesave si asnjëherë dhe ka paralajmëruar se ky është problem që mund të vazhdojë më tej ndërkohë që rritet se Borxhi i Brendshëm publik është mbi 35% të borxhit total dhe gati 30% e Borxhit të Brendshëm është afatshkurtër dhe rrezikohet të rritet si nivel edhe kostot nga rritja e interesave.

Ndërkohë që Borxhi i Jashtëm është 34% e borxhit total dhe interesat janë rritur në të gjitha vendet, Banka Europiane ka rritur normat e interesit në korrik dhe parashikon një rritje tjetër në shtator; çdo borxh tjetër i ri do të ndikohet nga rritja e normave të interesit dhe kostot shtesë që duhet të paguajnë qytetarët shqiptarë.

Rritja e çmimeve dihet që është galopante dhe ka artikuj me rritje 100% ose trefish dhe kjo papërgjegjshmëri në menaxhimin e kësaj situate po çon në kolaps të ekonomisë kombëtare dhe të ekonomisë familjare. Mjafton t’u theksoj se tashmë kemi hyrë në një krizë konsumi, ku në 7 muaj importet kanë shënuar rënie. Ajo që do të theksoja është se në 7-mujorin e parë të vitit kemi importuar 20% më pak minerale dhe lëndë djegëse sikurse minus 7% makineri dhe pajisje dhe për drithërat, minus 15%.

Faktor tjetër shumë shqetësues për ekonominë dhe bujqësinë, është rënia e fortë në sasi që kanë pësuar plehëruesit në bujqësi.”/CNA.al