E fundit!

08:09 Kronika

E rëndë në Maliq/ Një person vret efektivin e policisë, plagos 1 tjetër

Një ngjarje e rëndë është shënuar këtë të enjte në Maliq, ...

PD denoncon shpërdorimin e taksave nga Veliaj/ "Ka shpallur tender 1.3 milionë euro"

17 Prill 2023, 14:05, Politikë CNA

PD denoncon shpërdorimin e taksave nga Veliaj/ "Ka shpallur tender 1.3

Zëdhënësja e fushatës së opozitës, Silvi Bardhi, ka denoncuar shpërdorimin e parave nga Bashkia e Tiranës.

Bardhi nëpërmjet një deklarate zyrtare për shtyp ka deklaruar se Erion Veliaj ka shpallur një tender prej 1.3 milionë eurosh, ndërkohë që qytetarët, sipas saj, paguajnë 9 milionë euro nga taksat e tyre në vit për 1.075 punonjës për pastrimin e qytetit.

Ajo pohoi se 1.3 milionë euro do t'i jepen një kompanie private për mirëmbajtjen e sheshit "Skënderbej", prej 6 mijë metrash katrorë pllaka dhe beton.

“Belind Këlliçi ka paraqitur një projekt që i jep zgjidhje një prej problemeve më akute të Tiranës që është qarkullimi dhe trafiku, me nënkalim në sheshin 'Skënderbej'. Ky projekt do të kushtojë 4.5 milionë euro.

Nënkalimi i propozuar nga Belind Këlliçi zgjidh një shqetësim të përditshëm për të gjithë ne, na kursen kohën dhe karburantin.

Disa pyesin, ku do t'i gjejë Belindi paratë?

Paratë janë, por shpërdorohen, pasi qytetarët e Tiranës, paguajnë me taksat e tyre disa herë Bashkinë Tiranë për një shërbim të vetëm.

Dhe rasti është i freskët.

Erjon Veliaj ka shpallur një tender prej 1.3 milionë eurosh për pastrimin e sheshit 'Skënderbej' ndërkohë që ne, qytetarët e Tiranës paguajmë 9 milionë dollarë në vit me taksat tona 1 mijë e 75 punonjës, për pastrimin e qytetit.

Por këta punonjës dhe ky fond i marrë nga taksat tona, nuk i mjaftojnë Erjon Veliajt.

Ai ka shpallur një tender që shumë mirë mund ta kryejnë punonjësit akutalë të bashkisë.

1.3 milionë euro do t'i jepen një kompanie private për mirëmbajtje të një sheshi prej 6 mijë metra katror pllaka dhe beton.

Aktualisht Bashkia Tiranë administron dy drejtori për mirëmbajtjen, Drejtoria e Përgjithshme e Rrugëve dhe Ndricimit dhe Drejtoria e Përgjithshme e Pastrim Gjelbërimit.

Bashkë me to janë 6 kompani pastrimi të qytetit, të cilat marrin miliona euro nga taksat tona.

Pastrimi i qytetit është shumë i rëndësishëm, por sot shihet si një mundësi për përfitim e ndarje favoresh.

Ndaj lind pyetja.

Përse u kërkohet taksapaguesve më të varfër të Europës të paguajnë sërish për pastrimin?

Ka ardhur koha që këto metoda jotransparente dhe abuzimi me paratë e qytetarëve të Tiranës të ndalen.

Me 14 maj është koha për ndryshim, është koha për të sjellë në krye një model që kujdeset për taksat e qytetarëve dhe i shndërron ato në shërbime e në të mira për Tiranën e banorët e saj", tha ajo./CNA.al