E fundit!

08:41 Aktualitet

Zvarrit pafundësisht proceset gjyqësore/ Sot, seanca e radhës e Veliajt në GJKKO

Sot do të mbahet seanca e radhës në Gjykatën e Posaçme kun...

PD-ja e Alibeajt ankohet tek AMA dhe KQZ-ja/ "Po keqpërdoren sigla dhe emri i partisë"

17 Prill 2023, 13:34, Politikë CNA

PD-ja e Alibeajt ankohet tek AMA dhe KQZ-ja/ "Po keqpërdoren sigla dhe

Foto ilustruese

Partia Demokratike e Enkelejd Alibeajt ka paraqitur një ankesë pranë AMA-s(Autoriteti i Medias Audiovizive) dhe KQZ-së (Komisionit Qendror të Zgjedhjeve).

Sipas deklaratës, kërkohet të merren masa dhe të ndalohet menjëherë përdorimi i emrit të Partisë Demokratike, logos dhe simboleve të saj nga subjekte zgjedhore, të cilat nuk kanë asnjë lidhje me Partinë Demokratike.

DEKLARATË E PARTISË DEMOKRATIKE, DREJTORESHA E KOMUNIKIMIT TË FUSHATËS SË KANDIDATIT TË PD-së PËR BASHKINË TIRANË, MIRELA KARABINA

Partia Demokratike e Shqipërisë

Shtabi elektoral i kandidatit të Partisë Demokratike për Bashkinë Tiranë, zotit Roland Bejko, u bën thirrje institucioneve shqiptare, Komisionit Qendror të Zgjedhjeve, AMA-s dhe mediave, të marrin masa dhe të ndalojnë menjëherë përdorimin e emrit të Partisë Demokratike, logos dhe simboleve të saj nga subjekte zgjedhore, të cilat nuk kanë asnjë lidhje me Partinë Demokratike.

Ne kërkojmë nga këto insitucione, zbatimin e shtetit ligjor dhe vendimeve të gjykatave të Republikës së Shqipërisë. I bëjmë thirrje çdo subjekti politik, të mos përdorin dhe keqpërdorin emrin e Partisë Demokratike, në media apo takime elektorale, nga njerëz dhe drejtues të formacioneve të ndryshme elektorale.

Partia Demokratike e Shqipërisë përfaqësohet në garën për Bashkinë Tiranë me të vetmin kandidat, zotin Roland Bejko, i njohur dhe i regjistruar në këto zgjedhje sipas të gjitha ligjeve në fuqi dhe në zbatim të kodit zgjedhor shqiptar. Ne do të marrim të gjitha masat ligjore për të mbrojtur identitetin e Partisë Demokratike, identitetin e të djathtës shqiptare që ajo përfaqëson.

Partia Demokratike ka paraqitur sot “Ankesë në lidhje me keqinfomimin e disa subjekteve mediatike” drejtuar:

Znj. Armela Krasniqi, kryetare e Autoritetit të Mediave Audiovizive,

Znj. Desada Metaj, zëvendëskryetare e Mediave Audiovizive,

Z. Ilirjan Celibashi, komisioner Shtetëror i Zgjedhjeve.

Gjithashtu, u bëjmë thirrje mediave dhe institucioneve që monitorojnë ato, të zbatojnë parimin e hapësirave televizive sipas parimit “par condicion” për subjektin politik Partia Demokratike si partia më e madhe opozitare dhe të gjithë kandidatëve të saj për Këshillat Bashkiakë dhe kryetarë bashkie.