web counter
LEXO PA REKLAMA!

SHKARKO APP

App Store
Google Play

E fundit!

x

Dhunimi i 28-vjeçares në Tiranë/ Berisha: Rast dramatik, rendi ka treguar indiferencë

17 Prill 2023, 12:15, Politikë CNA

Dhunimi i 28-vjeçares në Tiranë/ Berisha: Rast dramatik, rendi

Kreu i Partisë Demokratike, Sali Berisha, ka denoncuar mbajtjen peng të 28-vjeçares në Tiranë nga bashkëjetuesi i saj i cili e ka dhunuar.

Berisha ka dënuar këtë akt dhe indiferencën e treguar nga rendi për dhunimin e 28-vjeçares.

Ai ka theksuar se rendi është dorëzuar në duart e organizatave kriminale dhe ka krahasuar rastin e 28-vjeçares me dhunimin e vajzes keniane.

"Një vajzë 28-vjeçare, u burgos e marrë peng në shtëpi nga i ashtuquajturi partner. Duke kryer ndaj saj një terror fizik dhe psikologjik tipik për strofullat e mafies me protektoratin e mafies.
Jeta në Tiranë bëhet gjithnjë e më e pasigurtë. Rendin në dorë e ka krimi dhe mafia.
U ndala në këtë rast dramatik, sepse muaj më parë, një vajzë nga Kenia, 19-vjeçare, që punonte në një kazino, u masakrua.
Klithmat e saj ranë në vesh të shurdhër. Vrasësi është i sojit të qeverisë.
Vetëm qeveria arrin të heshtë, të shkatërrojë, të rrënojë të gjitha provat për të mbrojtur ministrat e saj kriminelë që fshehin krimin.
Tirana është pra sot, qytet ku dominon ligji i mafias, ku dominon mafia.
Mafia e Tiranës, duke pasur parasysh se ka pushtetin, është mafia më e rrezikshme e Europës. Ajo tejkalon Ndragetën, Sakra Korona Unitën, tejkalon të gjitha grupet mafioze, sepse kreu i saj është qeveria mafioze shqiptare.
Dënoj me forcën më të madhe aktin e shëmtuar ndaj 28-vjeçares, indiferencën e treguar nga organet e rendit dhe në tërësi dorëzimin e sigurisë dhe rendit të qytetarëve në duart e organizatave kriminale nga një qeveri e lidhur kokë e këmbë me to", u shpreh ai./CNA.al

 

 

 





Lajmet e fundit nga